ಕನಸು
ಕಾಣುವುದು ಹಲವಾರು ಕನಸು
ಆಗುವುದು ಬೇರೆಯೆದ್ದೆ ನನಸು
ಕನಸು ನನಸುಗಳ ಮರೆಯಲ್ಲಿ
ವಿದಿಯಾಟ ಸೂತ್ರ ಹಿಡಿದಿಹುದು
ಅಪ್ಪನು ದುಡಿವಾಗ ಆಟದ ಕನಸು
ಓದುವ ಹಠದಲ್ಲಿ ಪ್ರೀತಿಯ ಕನಸು
ಮದುವೆ ಮಕ್ಕಳ ಕನಸ ಕಾಣುತ್ತಾ
ವೃದ್ಧಾಶ್ರಮ ಸೇರಿಕೊಂಡ ಕನಸು
ಹಣ ಗಳಿಸುವ ಆಸೆಯ ಕನಸು
ಗಳಿಸಿದ ಹಣವ ಕೂಡಿಡುವ ಕನಸು
ಕದ್ದೋದ ಕಳ್ಳನಿಗೆ ಶಫಿಸುವ ಕನಸು
ದೇವರಲ್ಲಿ ಮೊರೆಯಿಟ್ಟು ಕೇಳ್ದ ಕನಸು
ಆಹ್ಹಾ ಅದೆಂತೆಂತಾ ಕನಸು ಕಾಣುತ್ತಾ
ಎಳುತ್ತ ಬೀಳುತ್ತಾ ಸಾಗುವ ಕನಸು
ಆದರೂ ಭಂಡ ರಾಗಿ ನಡೆವ ಕನಸು
ಬಿದ್ದರು ನಗೆಬೀರಿ ನಡೆವ ಕನಸು
ಕತ್ತಲಲಿ ಕಾಣುವುದು ಒಂದು ಕನಸು
ಬೆಳಕಿನಲಿ ಹೇಳುವುದು ಒಂದು ಕನಸು
ಜೀವನದ ಸೂತ್ರಧಾರನ ಮುಂದೆಯೇ
ಸುಳ್ಳೆಂಬ ಈ ನಾಟಕದ ಕನಸೋ ಕನಸು
ಕಲ್ಮೇಶ ಬಡಿಗೇರ
. ಬಾದಾಮಿ
- Kalmesh Badiger
10 Nov 2020, 05:58 pm
Download App from Playstore: