ಸದಾ ನಾ.!
ಸದಾ ನಗು ಮುಖವಂತೆ ನನ್ನದು,
ಹೌದು ನನ್ನದು ನಗು ಮುಖವೇ....
ನನ್ನೊಳಗೆ ಎದ್ದಿರುವೆ ಸುನಾಮಿಗೆ
ನಾನೇ ಕಣ್ಣ ರೆಪ್ಪೆಗೆ ಒತ್ತೊತ್ತಾಗಿ ಕಟ್ಟಿಹ
ಅಣೆಕಟ್ಟು ಕಾಣದಂತ ನಗು ಮುಖ!
ಸದಾ ಚಟ-ಪಟ ಮಾತಂತೆ ನನ್ನದು,
ಹೌದು ನಾ ಸದಾ ಮಾತನಾಡುತ್ತಿರುವೆ...
ಬೇಡದ ಮೌನಗಳು ನನ್ನೊಳಗೆ ಬೇರೂರಿರಲು
ಮಾತನಾಡುವಂತೆ ನಟಿಸಿ ಮೌನಕ್ಕೆ
ನೀರ ಹಾಯಿಸದ ಮಾತು ನನ್ನದು!
ಸದಾ ಜಾಗರೂಕ ಹೆಣ್ಮನವಂತೆ ನನ್ನದು,
ಹೌದು ನಾ ಸದಾ ಜಾಗರೂಕತೆಯಿಂದಿರುವೆ..
ಒಂದಷ್ಟು ಅಜಾಗರೂಕತೆಗಳಿಂದ ತಿಂದ ಹೊಡೆತವ
ಮತ್ತೆ ಮರಳಿ ತಿನ್ನುವ ಶಕ್ತಿ ಇಲ್ಲದ
ಅಸಹಾಯಕ ಜಾಗರೂಕತೆ ನನ್ನದು!
- ಅಕ್ಷತ
23 Dec 2020, 08:54 am
Download App from Playstore: