ನಿನಗಾಗಿ ಈ ಹಾಡು
ನನ್ನೊಳಗೆ ನನ್ನ ಎದೆಯೊಳಗೆ
ಹುದುಗಿದ ಹಾಡಿದು ನಿನಗಾಗಿ
ಬದುಕಿನಲಿ ಈ ಬವಣೆಯಲಿ
ಸವೆಸಿದ ಜಾಡಿದು ನಿನಗಾಗಿ...
ತಿರು ತಿರುಗಿ ಮತ್ತೆ ಮರು ಮರುಗಿ
ಒರಗಿದೆ ನಿನ್ನೆದೆ ಗೂಡಿನಲಿ...
ಪ್ರೀತಿಯ ಅಪ್ಪುಗೆ ಆ ಸವಿ ನೆನಪಿಗೆ
ಮೆರಗನು ತಂದಿದೆ ನಾಡಿಯಲಿ..
ಕಾರಣ ನೂರಿದೆ ಮೌನದ ಹಂಗಿದೆ
ಸ್ವರವಿದು ತಗ್ಗಿದೆ ಕೊರಳಿನಲಿ
ಭಾರದ ಭಾವವು ಎದೆಯಲಿ ನಿಂತು
ಹೆರವಲು ಬಯಸಿದೆ ಧ್ವನಿಗಾಗಿ
ಆಡಿದ ಮಾತಿಗೆ ನಿಂತರೆ ಹೇಗೆ.?
ಕಾಡಿದೆ ದಿನವಿಡೀ ಮನಸಿನಲಿ
ಗೂಡನು ತೊರೆಯಲು ನಿಂತರೆ ಹೇಗೆ.?
ಬಡಿತವು ಏರಿದೆ ಹೃದಯದಲಿ..
ಕ್ಷಮೆಗಾಗಿ ಈ ಹಾಡು
ನಮಗೇಕೆ ಈ ಪಾಡು
ಜೋಡಿಯಲಿ ಹಾಡೋಣ
ಕೂಡಿ ನಲಿದಾಡೋಣ...
ಜಗದೀಶ ತಿಗರಿ ಹೊಳಗುಂದಿ
- Jagadeesh tigari
26 Dec 2020, 05:59 pm
Download App from Playstore: