ಹೆಣ್ಣು ಮನೆಯ ಕಣ್ಣು
ಹೆಣ್ಣು ಮಗುವಾಗಿ ಜನಿಸುವಳು
ಕುಟುಂಬದ ಮನದಲ್ಲಿ ನೆಲೆಸುವಳು
ಸದಾ ನಕ್ಕು ನಲಿಸುವಳು
ಮನೆಯ ಜ್ಯೋತಿಯ ಬೆಳಗಿಸುವಳು
ಹೆಣ್ಣು ಬರೀ ಹೆಣ್ಣಲ್ಲ ಅವಳು ಮನೆಯ ಕಣ್ಣು
ಅಪ್ಪನ ಪ್ರೀತಿಯ ಸುತೆಯು
ಅಮ್ಮನ ಮುದ್ದಿನ ಮಗಳು
ಸಹೋರತೆಯ ಅಕ್ಕರೆಯ ಅರಗಿಣಿಯು
ಊರಿನ ಹೆಮ್ಮೆಯ ಗರಿಯು
ಹೆಣ್ಣು ಬರೀ ಹೆಣ್ಣಲ್ಲ ಅವಳು ಮನೆಯ ಕಣ್ಣು
ಭೂಮಿ ತೂಕದ ಸಹನೆ ಇವಳದು
ಕಷ್ಟದಲೂ ಸದಾ ನಗುವವಳು
ಗಂಡನ ಎರಡನೇ ತಾಯಿಯೇ ಪತ್ನಿಯು
ಮಗುವಿನ ಪಾಲಿನ ಜೀವಂತ ದೇವರು
ಹೆಣ್ಣು ಬರೀ ಹೆಣ್ಣಲ್ಲ ಅವಳು ಮನೆಯ ಕಣ್ಣು
ಮನೆಯ ಏಳಿಗೆಗಾಗಿ ಬೆಳುಗುವಳು ಆರುತಿ
ಹಬ್ಬುವುದು ಎತ್ತರಕ್ಕೆ ಎಲ್ಲೆಡೆಯೂ ಕಿರುತಿ
ಕಾಪಾಡುವಳು ಮನೆತನದ ಸಂಸ್ಕೃತಿ
ಇದುವೇ ಹೆಣ್ಣಿನ ಸಹಜ ಪಕೃತಿ
ಹೆಣ್ಣು ಬರೀ ಹೆಣ್ಣಲ್ಲ ಅವಳು ಮನೆಯ ಕಣ್ಣು
ಚಿವುಟದಿರಿ ಪ್ರಪಂಚ ಕಾಣದ ಹೆಣ್ಣು ಭ್ರೂಣವ
ಕಸಿಯದಿರಿ ವಿವಾಹದಿಂದ ಅವಳ ಬಾಲ್ಯವ
ಎಸಗದಿರಿ ಹೆಣ್ಣಿನ ಮೇಲೆ ಅತ್ಯಾಚಾರವ
ನೀಡದಿರಿ ವರದಕ್ಷಣೆಯ ಕಿರುಕುಳವ
ಹೆಣ್ಣಿಗೆ ತಲೆಬಾಗಿರಿ ಗೌರವದಿಂದ
ಹೆಣ್ಣು ಬರೀ ಹೆಣ್ಣಲ್ಲ ಅವಳು ಮನೆಯ ಕಣ್ಣು
- Pooja k s
08 Mar 2021, 12:56 am
Download App from Playstore: