ಅಣ್ಣನ ಮನ ಚಿನ್ನ
ಅಣ್ಣನೆಂದರೆ ಅಣ್ಣ , ಅವನೇ ನಮ್ಮಣ್ಣ,
ನನ ಮನಸ್ಸಿಗೆ , ಇವನೇ ನಿಜವಾದ ದೊರೆಯಣ್ಣಾ,
ಅಣ್ಣನಿಲ್ಲದ ಒಂದು ಕ್ಷಣ , ಕಣ್ಣಿಲ್ಲದಂತಾಗುವುದು ನನ್ನ ಮನ ,
ಎಲ್ಲೆಲ್ಲೋ ದುಡುವನು , ಕಾಂಚಾಣ ತರುವನೋ ,
ಒಳಗೊಳಗೆ ಅಳುವನು , ನಮ್ಮನ್ನೊತ್ತು ಮೆರೆವನು,
ಅಣ್ಣನೆಂದರೆ ಅಣ್ಣ , ಅವನ ಮನ ಚಿನ್ನ.
ಅಣ್ಣನೆಂದರೆ ಅಣ್ಣ , ಅವನೇ ನಮ್ಮಣ್ಣ ,
ತಂದೆಯಂತೆ ಮನೆಯ ಕಾಯ್ದು ,
ಅಮ್ಮನಂತೆ ಮನಸ ನೇಯ್ದು ,
ಗುರುವಿನಂತೆ ಬುದ್ಧಿ ಕಲಿಸಿ ,ಎಲ್ಲ ಶಕ್ತಿ ಇಲ್ಲೆ ಸುರಿಸಿ,
ನನ್ನ ಕಾಯೋ ಸೈನಿಕ ,ಅದುವೇ ಅವನೇ ಕಾಯಕ,
ಅಣ್ಣನೆಂದರೆ ಅಣ್ಣ , ಅವನ ಮನ ಬಲು ಚನ್ನ .
ಅಣ್ಣನೆಂದರೆ ಅಣ್ಣ , ಅವನೇ ನಮ್ಮಣ್ಣ ,
ಹಿರಿಯರ ಬೇರು , ಒಲುಮೆಯ ತೇರು ,
ಕಷ್ಟಗಳ ಅಂಗಿ , ಸದಾ ನಗುವ ಭಂಗಿ ,
ಶಾಂತಿಯ ಹೊಲದಲ್ಲಿ, ಬೆವರಿನ ಮಳೆ ಹರಸಿ ,
ಬಂಗಾರದ ಬೆಳಕು ಚೆಲ್ಲುವ ಮುಖ ಬಣ್ಣ ,
ಇರುವೆಯಂತೆ ಮನೆಯ ಮಾಡಿ , ನೆರೆಯವರೆಗೆ ಅದನ ನೀಡೊ ದಾನಿಗ ...
ಅವನೇ ನನ್ನ ತಾಯಿಯ ಹಿರಿಮಗ....
----- ಜಿ.ವೀರೇಶ ಸಿರಿಗೇರಿ
- VEERESHAG
17 Mar 2021, 01:14 pm
Download App from Playstore: