ನಿಸರ್ಗ
ನಿಸರ್ಗವಿದು ಚಲುವಿನ ಚಿತ್ತಾರ,
ಯುವ ಕವಿಗಳಿಗೆ ಸ್ಫೂರ್ತಿಯ ಆಗರ!
ಇಲ್ಲಿ ಇವೆ ನೂರಾರು ಸಮುದ್ರ ಸಾಗರ,
ರಸಿಕರ ಮನ ಮಿಡಿಯುವ ಶೃಂಗಾರ!!
ನಿಸರ್ಗ ನನ್ನ ತವರು ಮನೆ,
ಇದರಲ್ಲಿದೆ ಜೋಳದ ತೆನೆ!
ಇದರ ಪ್ರೀತಿಗೆ ಇಲ್ಲ ಕೊನೆ,
ಇದು ಜೇವಿಗಳ ಅರಮನೆ!!
ನಿಸರ್ಗದಲಿ ದೇವರು ಬರೆದ ಕವನ,
ರವಿಗೆ ನಾವು ಮಾಡುವ ನಮನ!
ಸಂಜೆಯಾದರೆ ಶಶಾಂಕನ ತಂಪು,
ಕೋಗಿಲೆಗಳ ಮಧುರ ಗಾನವು ಇಂಪು!!
ನಿಸರ್ಗ ನಮಗೆ ಕೊಡುವ ಊಟ,
ನಿತ್ಯ ನಮಗೆ ಅನುಭವದ ಪಾಠ!
ಉರಿಯುವ ಬಿಸಿಲಿನ ಕಾಂತಿ,
ವೃಕ್ಷದಡಿಯಲಿ ಕೊಡುವ ವಿಶ್ರಾಂತಿ!!
ನಿಸರ್ಗದಲಿ ನಾನು ಭಾವುಕ ,
ಯಾರು ಇದರ ಮಾಂತ್ರಿಕ!
ನೂರುದೇವರ ನೋಡುವ ತವಕ,
ಪ್ರಕೃತಿ ಮಾತೆಯೇ ಕೊನೆತನಕ!!
- ಶ್ರೀಹರಿ
- Srihari Managoli
15 May 2021, 01:54 am
Download App from Playstore: