ಯುಗಾದಿ
ಬಂದಿತೀಗ ಯುಗಾದಿ ಹಬ್ಬ
ಉಕ್ಕಿ ಹರಿಯಿತು ಸಂತೋಷ ತುಂಬಾ
ಬೇವು-ಬೆಲ್ಲಗಳ ಮಿಲನ
ಸುಖ-ದುಃಖಗಳ ಸಮ್ಮಿಲನ
ಇದುವೇ ಹಿಂದೂಗಳ ವರ್ಷದ ಮೊದಲ ದಿನ
ಸೆಳೆಯಿತು ಪ್ರತಿಯೊಬ್ಬರ ಕಣ್ಮನ
ಮನೆಗೀಗ ಬಂದುಗಳ ಆಗಮನ
ಅಂದು ಎಲ್ಲರ ಪ್ರೀತಿಗೆ ಪಾತ್ರಳಾದೆ ನಾ.......
ಸಿಹಿ ತಿಂಡಿಗಳ ತಯಾರು ಇದೀಗ ಆರಂಭ
ಹೊಸ ಚಿಗುರುಗಳು ಉದಯಿಸುವ ಹಬ್ಬ
ಮನೆಯಲಿ ತಳಿರು-ತೋರಣಗಳ ಸಿಂಗಾರ
ಮನೆ ಇದೀಗ ನೋಡಲು ತುಂಬಾ ಸುಂದರ......
ಸಂಜೆಯಾದ ತಕ್ಷಣ ಚಂದ್ರನ ನೋಡುವ ಹಂಬಲ
ನಾ ಮೊದಲು ತಾ ಮೊದಲು ಎನ್ನುವ ಚಪಲ
ಇದೀಗ ಬೇವು ಬೆಲ್ಲವನು ಹಂಚುವ ಸಮಯ
ಸುಖವನು ಹೊತ್ತು ತರಲಿ ಈ ವರ್ಷದ ಸಮಯ.....
ಕಳೆದದ್ದು ಗೊತ್ತಾಗಲಿಲ್ಲ ವರ್ಷದ ಮೊದಲ ದಿನ
ಇದೀಗ ಶುರು ಮುಂದಿನ ಜೀವನ
ಜೀವನ ಎಂಬ ಈ ತೇರಲಿ
ಸುಖ ದುಃಖಗಳು ಸಮ ಆಗಿರಲಿ......
-ಮಧು❤️ಮಧು
- madhu
22 May 2021, 03:35 pm
Download App from Playstore: