ಏನೆಂದು ಕರೆಯಲೀ ನಿನ್ನ...
ಏನೆಂದು ಕರೆಯಲೀ ನಿನ್ನ
ಕಣ್ಣ ರೆಪ್ಪೆಯ ಮೇಲೆ ಕುಳಿತಿರುವೆ
ಪ್ರತೀ ಉಸಿರಿನಲೂ ಬೆರೆತಿರುವೆ
ನರ ನಾಡಿಗಳಲೀ ಅವಿತಿರುವೆ
ಏನೆಂದು ಕರೆಯಲೀ ನಿನ್ನ
ದೇಹದ ಚೈತನ್ಯವಾಗಿರುವೆ
ಮನಸಿನ ಸಂತಸವಾಗಿರುವೆ
ಹೃದಯದಲಿ ನೆಲೆನಿಂತಿರುವೆ
ಏನೆಂದು ಕರೆಯಲೀ ನಿನ್ನ
ಕನಸಿಗೆ ಕಲ್ಪನೆಯಾಗಿರುವೆ
ಕವನಕೆ ಸ್ಪೂರ್ತಿಯಾಗಿರುವೆ
ಯಾವಗಲೂ ಕನವರಿಸುತಿರುವೆ
ಏನೆಂದು ಕರೆಯಲೀ ನಿನ್ನ
ನೀ ನನ್ನ ಬಳಿಯಿಲ್ಲ
ಆದರೂ ಒಲವಿದೆಯಲ್ಲ
ಎಲ್ಲಾ ದೇವನೇ ಬಲ್ಲ
- ಚೇತನ್ ಬಿ ಸಿ
29 Jan 2022, 08:06 pm
Download App from Playstore: