ಹೊತ್ತಿಲ್ಲದ ಹೊತ್ತು
ಹೊತ್ತಲ್ಲದ ಹೊತ್ತಲ್ಲು
ನನ್ನದೊಂದು ಕೂಗಿಗಾಗಿ
ಮುಂಬಾಗದ ಹೊಸ್ತಿಲಾಗಿ
ನನ್ನನೇ ಕಾದ ಭವಿಷ್ಯದ ಮನೆ ನೀನು. .
ನಿನ್ನ ಕಣ್ಣೀರ ಕೊಳದಲ್ಲಿ
ಮೈ ತೊಳೆದು ನೋವಿನ ಕೆಂಡದಲ್ಲಿ
ನನ್ನ ಹೊಟ್ಟೆ ತಣ್ಣಗಿರಿಸಿ,
ನಾ ಸಾಗೋ ದಾರಿಗೆಲ್ಲ
ಸಾಲು ಮರವಾಗಿ ನೆರಳಾದೆ ನೀನು.
ನಾನು ನಾನಾಗಿ ಬದುಕುತಿರುವೆ
ನಿನ್ನ ನೋವ ಹೀರಿ ನಾ ನಗುವಾಗಿ.
ಯಾಕೋ ಇಂದು ಕಾಡಿದೆ
ನೀನಿಲ್ಲದ ಹೊತ್ತು ಅತಿಯಾಗಿ. .
ಈ ನಗುವ ಕಾದು ಕರೆಯುವೆ
ಬಾ ಅಮ್ಮ
ನನ್ನ ಜೀವನದಲಿ ಮತ್ತೆ
ಮತ್ತೆ ನೀನೆ ದೇವರಾಗಿ...
- mallikarjun sonnad
05 May 2022, 12:39 pm
Download App from Playstore: