ಈ ದಾರಿ...
ನಡೆದಷ್ಟೂ ಮುಗಿಯದ ಖಾಲಿದಾರಿಯಲಿ
ನಿನ್ನೊಡನೆ ನಡೆಯಬೇಕು, ಜೊತೆ
ಈ ಮಳೆ ಸುರಿಯುತಿರಬೇಕು...
ನೆನೆದ ದೇಹಕೆ ಹಿಡಿದ ಚಳಿ
ಬೆಸೆದ ಕೈಗೇರಿದ ಬಿಸಿಗೆ
ಬೆವೆತೋಗುವಷ್ಟು ಏಕಾಂತವಿರಬೇಕು...
ನಿನಾದ ಮೂಡುವ ನೀರ ಮೇಲೆ ಹೆಜ್ಜೆ ಇಟ್ಟಷ್ಟು
ಎದೆಯೊಳಗೊಂದು ಕಡಲು ಹುಟ್ಟಿ
ಕಣ್ಣಲಿ ಕಾರಂಜಿಯಾಗಿ ಚಿಮ್ಮಬೇಕು...
ಹರಿಹರಿದು ಸಾಗುವ ನದಿಗಳು
ದೂರದ ನೀಲಿಯಲಿ ಕೊನೆಗೊಳ್ಳುವಂತೆ
ಒಲವ ಮಳೆಯಲಿ ನೆನೆದ ನಾನು, ನನ್ನವನಾದ ನೀನು
ಒಂದಾಗಿಯೇ ಕೊನೆ ತಲುಪಬೇಕು...
ಅಲ್ಲಿವರೆಗೂ ಈ ಹುಚ್ಚುಮಳೆ
ಬಿಡದೇ ಸುರಿಯುತಿರಬೇಕು...
- mallikarjun sonnad
11 May 2022, 10:27 pm
Download App from Playstore: