ನಿನ್ನೊಲವಿನ ಸರಪಳಿಯಲಿ
ನಿನ್ನೊಲವಿನ ಸರಪಳಿಯಲಿ
ಬಂಧಿಸಿದೆ ನೀ ನನ್ನನು!!
ನನ್ನೊಲವದು ಬಸಿದಿರುವುದು
ನಿನ್ನ ಅಂಗೈ ಬೊಗಸೆಯಲಿ!!
ಸುಳ್ಳನು ನುಡಿಯೆನು ನಾನು
ಅತಿಯಾಸೆ ನನ್ನ ಮನಸಿನಲಿ!!
ಇರಬೇಕು ತುಂಬಾ ಸಲಿಗೆ
ಗೆಳೆಯ ನಮ್ಮ ನಡವಿನಲಿ!!
ನಾನು ತುಂಬ ಸರಳ ಹೀಗೇ
ನೀನು ಇರಲು ನನ್ನಯ ಒಳಗೆ!!
ನವಿರಾದ ನವ ಭಾವಗಳಿಗೆ
ನೀ ಜೀವಕಳೆಯ ತುಂಬಿದೆ!!
ಋಣಮಾತ್ರದಿಂದ ಬೆಸೆದ
ಕೊಂಡಿಯಲ್ಲ ಈ ಬಂದನ!!
ಜನುಮಗಳಿಗೂ ಸಾಧ್ಯವೇ ಇಲ್ಲ
ದೂರವಿಡಲು ನಮ್ಮನು!!
ನಿನ್ನುಸಿರು ನನ್ನೊಳಗಿರಲು
ಈ ಬದುಕು ಸುಂದರ ಕಡಲು!!
ಅಲೆಗಳ ಏರಿತವನು ನಾನು
ಕಾಣೆನು ನಿನ್ನ ಪ್ರೀತಿಯಲಿ!!
ಮೌನವಾದ ಬದುಕಿನಲಿ
ಮುಗಿಲು ಮಟ್ಟುವ ಕನಸು!!
ಅಳುವಿಗಿಲ್ಲಿ ಜಾಗವೇ ಇಲ್ಲ
ಜೋಡಿ ಚಿತೆಯು ನಗುವುದು ಅಲ್ಲಿ!!
- ಪಿ.ಜಿ.ಜ್ಯೋತಿ
13 May 2022, 03:24 pm
Download App from Playstore: