ಅಂತಃಕರಣ
ಕಗ್ಗತ್ತಲೆಯ ಕೋಣೆಯಲಿ
ಒಬ್ಬಳೇ ಕುಳಿತು ಅಳುತ್ತಿರುವೆನ
ನನ್ನದೇ ಪ್ರಪಂಚವಾದ ಅಂತಃಕರಣದಲಿ
ಸಂತೈಸಿಕೊಳ್ಳುವೆನು ಎನ್ನದೇ ರಾಗದಲಿ
ಸ್ವಾಗತವಿರದು ಪರರಿಗೆ ಇದರಲ್ಲಿ
ಸುಖಕ್ಕೂ, ದುಃಖಕ್ಕೂ ವ್ಯಕ್ತಿಸುವ ಸ್ಥಾನವದು
ಕೋಪಕ್ಕೂ, ಕರುಣೆಗೂ ಉಗಮದ ಆಸ್ಥಾನ
ನನ್ನದೇ ಹಕ್ಕಿಹುದು ನನ್ನೆದೆಯ ಗೃಹಾಲಯದಲಿ
ಅಳುವಷ್ಟು ಅಳಬಹುದು ತಡೆಯುವವರಾರಿಲ್ಲಿ
ಅಳುಕದು ತೋಚದು ಪರರಿಗೆ ಬಾಹ್ಯದಲಿ
ವರವಿದು ಎಲ್ಲರಿಗು ಬ್ರಹ್ಮನ ಆಟದಲಿ
ಇದನರಿತು ಕುಳಿತಿರುವೆನಾ ಎನ್ನ ಅಂತಃಕರಣದಲಿ
ಒಪ್ಪಿಸುವೆನು ನನ್ನ ಸತ್ಯವ ದೇವನಲ್ಲಿ
ಕೇಳುತ್ತಿಹನವನು ತಂದೆಯಂತೆ ಮನದಲ್ಲಿ
ಕಣ್ಣೊರೆಸುವನು ಸೋದರನಂತೆ ಪ್ರೀತಿಯಲಿ
ದೇವನೊಬ್ಬನೇ ಸಾಕೆನಗೆ ಸಂತೈಸಲು ಜಗದಲಿ ..
- Shakuntala Shakuntala
13 Jul 2022, 04:17 pm
Download App from Playstore: