ಇರುಳ ಬೆಳಕು
ಇರುಳಲ್ಲಿ ಒಂಟಿಯಾಗಿ
ಬೆಳಕನ್ನು ಕಾದು ನಿಂತೆ!!
ನಿನ್ನ ಹೆಸರ ನೆಲದಿ ಬರೆದು
ಮಳೆ ಹನಿಯ ತಡೆದು ನಿಂತೆ!!
ಕಾಗದದ ದೋಣಿಯಲ್ಲಿ
ಪಯಣಿಸುವ ಆಸೆ ಬಂತು!!
ತಾರೆಗಳ ಮಾಲೆ ಮಾಡಿ
ನಿನಗಾಗಿ ಹಿಡಿದು ಕಾದೆ!!
ಎದೆಯ ವಿರಹ ಅರಿತು
ಕಣ್ಣೀರು ಜಿನುಗಿ ಬಂತು!!
ಕಣ್ಣೀರ ತಡೆದ ಕೈಯಲ್ಲಿ
ನಿನ್ನ ಚಹರೆ ಮೂಡಿ ಬಂತು!!
ನಿನ್ನ ಸನಿಹ ಬಯಸಿದಾಗ
ತಂಗಾಳಿ ಬೀಸಿ ಬಂತು!!
ನನ್ನ ಕೈಗೆ ಎಟುಕದಂತೆ
ಬಳಿ ಸೋಕಿ ದೂರ ಹೋಯ್ತು!!
- ಪಿ.ಜಿ.ಜ್ಯೋತಿ
20 Aug 2016, 03:06 pm
Download App from Playstore: