*ಕ್ಷಯ/ಟಿಬಿ.......*
*ಕೆಮ್ಮು ಕೆಮ್ಮು ಅಂತ ಏಕೆ ಕುಂತಿಯವ್ವ*
*ಅಕ್ಕ ನಿನಗೆ ಹೆದರಿಕೆಯೇ ಏನವ್ವ*
*ಪ್ರಾಚೀನ ಕಾಲದ ರೋಗ ಇದವ್ವ*
*ಮೈಕೋಬ್ಯಾಕ್ಟೀರಿಯಾ ಎಂಬ ರೋಗಾಣು ವಿನಿಂದ ಹರಡುತೈತವ್ವ*
*ಇದಕ್ಕೆ ಟಿ.ಬಿ ಅಂತಾನು ಕರೀತಾರವ್ವ*
*ಅಕ್ಕ ನೀನು ಭಯಬೀಳ ಬ್ಯಾಡವ್ವ*
*ಗಾಳಿ ಜೊತೆಯಲ್ಲಿ ಆಟ ಆಡುತ್ತೈತವ್ವ*
*ಕೆಮ್ಮು, ಸುಸ್ತು, ಎದೆಯ ನೋವವ್ವ*
*ರಕ್ತ ಮಿಶ್ರಿತ ಕಫಾ ಬೀಳುತೈತವ್ವ*
*ರಾತ್ರಿಯಲ್ಲಿ ಮೈ ಬೆವರು ತೈತವ್ವ*
*ಹಸಿವು ಕೂಡ ಆಗುವದಿಲ್ಲವ್ವ*
*ತೂಕ ಕಡಿಮೆ ಆಗುವದವ್ವ*
*ಇವೆ ಕ್ಷಯದ ಲಕ್ಷಣಗಳು ತಿಳಿಯುವವ್ವ*
*ಸಂಶಯ ಕ್ಷಯ ಎಂದು ಭಾವಿಸವ್ವ*
*ಯಾವುದನ್ನು ನೀ ನಿರ್ಲಕ್ಷಿಸದಿರವ್ವ*
*ಕಫ ಪರೀಕ್ಷೆಯನ್ನ್ನು ನೀ ಮಾಡಿಸವ್ವ*
*ವೈದ್ಯರ ಸಲಹೆಅನ್ನು ನೀ ಹಾಲಿಸವ್ವ*
*ಮಾದರಿಯುಕ್ತ ವ್ಯಕ್ತಿ ನೀನು ಆಗವ್ವ*
*ಉಚಿತ ಚಿಕಿತ್ಸೆಯು ದೊರೆಯುತೈತವ್ವ*
*ರೋಗ ನಿವಾರಣೆಯು ಖಚಿತೈತವ್ವ*
*ಎಲ್ಲಿ ಬೇಕು ಅಲ್ಲಿ ಕೆಮ್ಮ ಬ್ಯಾಡವ್ವ*
*ಅಡ್ಡವಾಗಿ ಕೈ ಕರಚಿಪ್ ಹಿಡಿಯವ್ವ*
*ಕಂಡ ಕಂಡಲ್ಲಿ ನೀ ಉಗುಳದಿರವ್ವ*
*ಎಲ್ಲರಿಗೂ ರೋಗವ ಹರಡಿಸದಿರವ್ವ*
*ನಿಧಾನ ಏಕೆ ಮಾಡತಿಯವ್ವ*
*ಈಗಲೇ ಸರಕಾರಿ ಆಸ್ಪತ್ರೆಗೆ ಹೋಗವ್ವ*
*ಅನುಭಾವಿ ವೈದ್ಯರಲ್ಲಿ ಭೇಟಿಯಾಗವ್ವ*
*ಉತ್ತಮ ಚಿಕಿತ್ಸೆ ಪಡೆದು ಧನ್ಯಳಾಗವ್ವ*
*ಪೌಷ್ಟಿಕ ಆಹಾರ ನೀಡುತ್ತಾರವ್ವ*
*ಆರೋಗ್ಯ ಕಾಳಜಿ ವಹಿಸುತ್ತಾರವ್ವ*
*ನಿಕ್ಷೆಯ ಮಿತ್ರ ಯೋಜನೆ ಐತವ್ವ*
*ಇದೇ ರೋಗಿಗಳಿಗೆ ವರದಾನ ಆಗೈತವ್ವ*
*ಮನೆಗೆ ಬಂದು ಮಾತ್ರೆ ನೀಡುತ್ತಾರವ್ವ*
*ತಿಂಗಳಿಗೊಮ್ಮೆ ತೂಕ ಮಾಡ್ತಾರವ್ವ*
*ಬದಲಾವಣೆಗಳನ್ನು ವಿಚಾರಿಸುತ್ತಾರವ್ವ*
*ಪ್ರತಿ ತಿಂಗಳ ಕೊನೆಗೆ ಆಸ್ಪತ್ರೆಗೆ ಬಾರವ್ವ*
*ತೂಕಕ್ಕೆ ತಕ್ಕಂತೆ ಕೊಟ್ಟ ಮಾತ್ರೆಗಳನ್ನು*
*ನೀ ಸರಿಯಾಗಿ ತೆಗೆದು ಕೊಳ್ಳವ*
*ಕ್ಷಯ ರೋಗದಿ ಮುಕ್ತಳು ನೀನಾಗವ್ವ*
*ಇತರರಿಗೆ ಉದಾಹರಣೆ ನಿನಾಗವ್ವ*
*ಟಿಬಿ ಚಾಂಪಿಯನ್ ಖ್ಯಾತಿ ಪಡೆಯವ್ವ*
*ಎಲ್ಲೆಡೆಯೂ ಆರೋಗ್ಯವವ್ವ*
*ಎಲ್ಲೆಲ್ಲೂ ಆರೋಗ್ಯವವ್ವ*
*ಎಲ್ಲರು ಒಗ್ಗೂಡಿ ಕ್ಷಯ ಓಡ್ಸೋಣವ್ವ*
*ಮುಂದಿನ ಪೀಳಿಗೆ ಸಂರಕ್ಷಿಸೋಣಕ್ಕ*
*ಈ ಮೇಲಿನ ಅಭಿಯಾನವಅವ್ವ*
*ಎಲ್ಲರು ಯಶಸ್ವಿ ಗೊಳಿಸೋಣವ್ವ*
*ಕ್ಷಯ ಮಕ್ತಭಾರತ ನಮ್ಮೆಲ್ಲರ ಕನಸವ್ವ*
*ಎಲ್ಲಒಟ್ಟುಗೂಡಿ ನನಸಾಗಿಸೋಣವ್ವ*
*✍️ವಿ.ಎಸ್ಸ್.ಎಚ್ಚ*
*ಪ್ರಾಥಮಿಕ ಆರೋಗ್ಯ ಸುರಕ್ಷಾಧಿಕಾರಿ*
- v.s.h
29 Jun 2025, 02:45 am
Download App from Playstore: