ಕವನದ ಶೀರ್ಷಿಕೆ ಇಂಟರ್ನ್ಯಾಷನಲ್ ಪರ್ಪಲ್ ಫಸ್ಟ್..
ಅಂತರರಾಷ್ಟ್ರೀಯ ಪರ್ಪಲ್ ಫಸ್ಟ್ ಗೋವಾದಲ್ಲಿ,
ನಾವು ಕಳೆದ ಸಮಯವನ್ನು ವರ್ಣಿಸಲಾಗದು ಪದಗಳಲ್ಲಿ.
ತಂತ್ರಜ್ಞಾನದ ಪಕ್ಷಿ ನೋಟ ಅಡಗಿತ್ತು ನಾವು ಸ್ಪರ್ಶಿಸಿದ ಅಪ್ಸೇಸೇಬಲ್ ಡಿವೈಸ್ಗಳಲ್ಲಿ,
ನಮ್ಮ ಸ್ವಾಭಿಮಾನದ ಕಣ್ಣಾಗಬಲ್ಲ ಸಾವಿ ರಾರು ವಸ್ತುಗಳು ಮಿಂಚುತ್ತಿದ್ದವು ಕೈಗೆತಕದ ರೇಟಿನಲ್ಲಿ.
ಪರ್ಪಲ್ ಬಣ್ಣದ ಬ್ಯಾನರ್ಗಳ ಹಂದರಗಳಲ್ಲಿ,
ಪ್ರಾಯೋಗಿಕ ಪ್ರದರ್ಶನದ ಮಾಹಿತಿಯ ಚಿತ್ತಾರ ಚಿಮ್ಮುತ್ತಿತ್ತು ಅನುಭವಸ್ಥರ ಮಾತುಗಳಲ್ಲಿ.
ಆರ್. ಪಿ. ಡಬ್ಲ್ಯೂ. ಡಿ. ಕಾಯಿದೆ ಕಲ್ಪಿಸಿದೆ ಸರ್ವರಿಗೂ ಸಮಾನ ಶಿಕ್ಷಣ,
ಅದರಂತೆ ವಿವಿಧ ತಂತ್ರಗಳ ಅಳವಡಿಸಿ ನಾವು ಬೋಧಿಸಿ ಮಾಡಬೇಕಿದೆ ಮಕ್ಕಳ ಭವಿಷ್ಯ ನಿರ್ಮಾಣ.
ಹಲವು ಹಂತದ ಸಾಮಾಜಿಕ ಸಮಸ್ಯೆಗಳಿಗೆ ಪರಿಹಾರದ ಮಾರ್ಗಗಳಾದವು ತಜ್ಞರು ಮಂಡಿಸಿದ ವಿಷಯಗಳು,
ಸುಗಮ್ಯತೆ ಸೃಷ್ಟಿಸುವ ಮನಗಳಿಗೆ ಮುನ್ನುಡಿಯಾದವು ಅಲ್ಲಿ ಕೇಳಿದ ಉಪನ್ಯಾಸಗಳು.
ವೀಕ್ಷಕರ ಆಹ್ವಾನಿಸುತ್ತಿದ್ದವು ಮನರಂಜಿಸುವ ಸಾಂಸ್ಕೃತಿಕ ಚಟುವಟಿಕೆಗಳು,
ಸ್ವಯಂ ಸಂತಸ ಪಡೆಯಲು ಸಿದ್ಧವಾಗಿದ್ದವು ವಿಭಿನ್ನ ಕ್ರೀಡೆಗಳು.
ದಣಿದವರಿಗೆ ಪರಿಮಳ ಸೂಸಿ ಸ್ವಾಗತಿಸುತ್ತಿದ್ದವು ಚಾಟ್ಸ್ ಮಳಿಗೆಗಳು,
ಸ್ತ್ರೀಯರ ಸುಂದರ ನೋಟಕ್ಕೆ ಮಣಿಯುತ್ತಿದ್ದವು ಅಲಂಕಾರದ ಆಭರಣಗಳು.
ಅರಸಿ ಬಂದವರಿಗೆ ಹಸಿವು ಮಾಯವಾಗಿತ್ತು,
ಬಯಸಿ ಬಂದ ಕಲಾತ್ಮಕ ಶಿಲೆಗಳಿಗೆ ಜ್ಞಾನದ ವರಹ ದಾನವಾಗಿತ್ತು.
ಸಡಗರದ ಸಮೃದ್ಧಿ ಸಾಧಕರ ಪ್ರೇರೇಪಿಸುತ್ತಿತ್ತು,
ಸಂಸ್ಥೆಗಳ ಪರಿಚಯ ಸುಗಮ್ಯತೆಗೆ ಸಂಪರ್ಕದ ಮಾಧ್ಯಮವಾಗಿತ್ತು.
ನವ ಸಾಧನಗಳ ಸೃಷ್ಟಿ, ವಿಕಲಚೇತನರ ಸ್ವತಂತ್ರ ಬದುಕಿಗೆ ದಿವ್ಯದೃಷ್ಟಿ.
ಪವಿತ್ರ ಯಾತ್ರೆಗು ಶ್ರೇಷ್ಠ ಪರ್ಪಲ್ ಫಸ್ಟ್ ಸಂಭ್ರಮ,
ಇದು ವಿವಿಧ ಆಯಾಮಗಳಲ್ಲಿ ಸಜ್ಜುಗೊಳ್ಳುವ ಕಲಾವಿದರ ಸಮಾಗಮ.
ಒಮ್ಮೆಯಾದರೂ ಹೋಗಬೇಕು ಈ ಸಮಾವೇಶಕ್ಕೆ,
ವಿಶ್ವ ಸಂಸ್ಥೆ ಸಾರಥಿಯಾಗಿದೆ ನಮ್ಮ ವಿಜಯಕ್ಕೆ.
ರಚನೆ ಶ್ರೀಮತಿ ನಾಗಮಣಿ h b
GHPS Dharmapur.
- nagamani Kanaka
09 Aug 2025, 06:32 am
Download App from Playstore: