ಹೃದಯ ಚೋರಿಯ ಚೂರಿ ನೋಟ~
ಹೇ ಗೆಳತಿ ನೀ ಕಣ್ಣೋಟದಿ
ಕಾಮನ ಬಿಲ್ಲಿನೊಳು ಬಿಟ್ಟ
ಅನುರಾಗ ಬಾಣ
ಎನ್ನೆದೆಯನಿರಿದು
ಒಲವ ಮೂಡಿಸಿತಲ್ಲೆ ,
ಇನ್ನೇಕೆ ನಿನಗೆ ಸಿಗ್ಗಿನಾ ಪರದೆ,
ಸರಿಸಿಬಿಡೊಮ್ಮೆ
ನಿನ್ನ ನವಿರ ಸಿಗ್ಗನು ನೇಪತ್ಯಕೆ...!
ನೀ ಬಿಟ್ಟ ಸುಮಬಾಣ
ಕುಂಚವಾಗಿ ಚಿತ್ರಿಸಿತು ನಿನ್ನ
ನಲ್ಮುಖದ ಭಾವಚಿತ್ರವ.
ಎನ್ಮನದಿ ನೂರಾರು
ಆಕಾಂಕ್ಷೆಗಳು ಸಂಚಯಿಸಿ,
ಮೋಹರಾಗವ ಹಾಡುತ,
ಅನುರಾಗ ಲಹರಿಯ
ಜೊತೆಗೂಡಿದೆ.
ಚಂದದುಹೆಯ
ತುರಗವೇರಿದ ನಿನ್ನ
ಒಲವ ಲಹರಿ ಎಲ್ಲೆ
ಮೀರಿ ಅನಂತಾಕಾಶದಿ
ಸದ್ದಿಲ್ಲದೆ ಸಾಗಿ
ಭವ್ಯ ಭಾವ
ಲಹರಿಯಲಿ ಚಲಿಸಿದೆ.
- abhi.s.j
19 Sep 2025, 10:25 pm
Download App from Playstore: