ಕವಿಯ ಕಲ್ಪನೆಗೆ ನಿಲುಕದ
ಸೌಂದರ್ಯ ಸುಮ ರಾಷಿಯೇ
ನಿನ್ನ ವರ್ಣಿಸುವ ಕಲೆಯೊಂದು
ನನ್ನಲಿ ಸೇರಿ ನಿನಗಾಗಿಯೇ
ಹೊರಬಂದಿದೆ ಕೇಳುತಲಿ
ಕಲ್ಪನೆಯಲ್ಲಿಯೇ ನನ್ನ ಸೇರು ಬಾ
ಯಾರಿಗು ಹೇಳದೆ
ಯಾವ ಮಾಯಗಾರನ ಕೈಗಳಲ್ಲಿ
ಸೃಷ್ಟಿಯಾದೆಯೋ ಕಾಣೆ
ನಿನ್ನ ನೋಡಿದ ಕಂಗಳು ಸುಮ್ಮನೆ
ಆಸ್ವಾದಿಸುತ್ತ ಹೃದಯಕ್ಕೆ
ಸಂದೇಶವೊಂದನು ಕಳುಹಿಸಿ
ಅಪ್ಪಣೆಯ ಉತ್ತರಕ್ಕಾಗಿ ಕಾಯುತಿದೆ
ಉತ್ತರ ನೀಡು ಬಾ ಮೆಲ್ಲನೆ
ನಿನ್ನ ಸನಿಹಕ್ಕೆ ಹೃದಯ ಮಿಡಿತವು ಹೆಚ್ಚಾಗಿ
ನಿನ್ನನೆ ತುಂಬಾ ಇಷ್ಟ ಪಟ್ಟು
ಹೃದಯವು ಬಯಸಿದೆ ನಿನ್ನನೆ
ನಿನಗಾಗಿ ಹೃದಯವನ್ನೆ ನೀಡಲು
ತಯಾರಾಗಿದೆ ಸುಮ್ಮನೆ
ನಿನ್ನ ನಗುವಲ್ಲಿ ಅರಳುತ್ತಿರುವ
ಅಂದದ ಚೆಂದದ ಸೊಭಗಿಗೆ
ದೇವಲೋಕದ ಕಿನ್ನರಿಯರೆಲ್ಲಾ
ಒಟ್ಟಾರೆ ಸೇರಿ ಗಂದರ್ವ ಲೋಕದಿಂದಲೆ
ಮನಸಾರೆ ಹರಸುತ್ತಿಹರು ಸಂತಸದಿ
ಚೆಲುವಿನ ಅಂದವೆ ನಿನ್ನ ನೋಡಿದ
ಯಾವ ಕವಿಯೂ ಸುಮ್ಮನಿರಲಾರದೆ
ಹೊಚ್ಚ ಹೊಸ ಕಲ್ಪನೆಯಲ್ಲಿ
ಇನ್ನೂ ಚೆಂದವಾಗಿ ಅಂದವನ್ನು
ವರ್ಣಿಸುತ್ತಾ ಹೊಗಳುತ ಬರೆದನು
ಕವಿತೆಯ ಮನಸಾರೆ
ಚೆಲುವೆಯ ಹೊಳೆಯು ಚೆಲುವನ್ನು
ಕಣ್ಣಾರೆ ಕಂಡ ಆ ಚಂದ್ರಮನು
ಇನ್ನೂ ಹೆಚ್ಚಾಗಿ ಬೆಳದಿಂಗಳ ಚೆಲ್ಲುತಲಿ
ಬಾನಂಚಲ್ಲೆ ನಿನ್ನ ನೋಡುತ
ಮೈ ಮರೆತು ನಿಂದಿಹನು
ನನ್ನ ಕಲ್ಪನೆಯಲಿ ಅರಳುತ್ತಿರುವ
ಒಲವಿನ ಮಂದಾರ
- abhi.s.j
01 Oct 2025, 08:35 pm
Download App from Playstore: