ಬಾ ಮಲ್ಲಿಗೆ
ಬಾ ಮಲ್ಲಿಗೆ ಬಾ ಮೆಲ್ಲಗೆ
ನನ್ನೆದೆ ಮೆಲ್ವಾಸಿಗೆ
ಇಳೆಗಿಳಿದಿದೆ ಬೆಳುದಿಂಗಳು
ನಮ್ಮೊಲುಮೆಯ ಕರೆಗೆ ।।
ಚೆಲುವಾಗಿದೆ ಬನವೆಲ್ಲವೂ
ಗೆಲುವಾಗಿದೆ ಮನವು
ಉಸಿರುಸಿರಿಗು ತಂಪೆರಚಿದೆ
ನಿನ್ನೆದೆ ಪರಿಮಳವು ।।
ತಿಂಗಳ ತನಿ ಬೆಳಕಲಿ
ಮೈದೊಳೆದಿಹ ಮನದನ್ನೆ
ಮಂಗಳವೀ ಮನೆಯಂಗಳ
ಚೆಂಗಲವೆಯ ಚೆನ್ನೆ ಬಾ ಮಲ್ಲಿಗೆ
ಹಿತವಾಗಿದೆ ಮೆಲ್ಲಲರುಲಿ
ಮಿತವಾಗಿದೆ ಮೌನ
ಜತೆಗೂಡುತ ಮಾತಾಡಿವೆ
ಅರೆ ನಿದ್ರೆಯೊಳೇನ ।।
ಲೋಕದ ಮೈ ನೋವಿಗೆ
ಶ್ರೀಗಂಧದ ತನಿಲೇಪ
ಆಕಾಶದ ಗುಡಿಯಿಂದಲಿ
ಹೊರಸೂಸಿದ ಧೂಪ ಬಾ ಮಲ್ಲಿಗೆ
ಒಳಿತೆಲ್ಲವೂ ಬೆಳಕಾಯಿತು
ಬಾನ್ಗರೆಯಿತು ಜೇನು
ಆನಂದದ ಕಡಲಾಳದಿ
ನಾವಾದೆವೆ ಮೀನು ।।
ಎವೆಯಿಕ್ಕದೆ ಮಿನುಗುತ್ತಿದೆ
ಚಿಕ್ಕೆಯ ಹನಿ ದೀಪ
ತಮ್ಮಷ್ಟಕ್ಕೆ **ಧ್ಯಾನಿಸುತ್ತಿವೆ
ಯಾವುದು ಸವಿನೆನಪ ಬಾ ಮಲ್ಲಿಗೆ
INSTA || unique_abhyaa
- abhi.s.j
09 Oct 2025, 07:48 pm
Download App from Playstore: