ನನ್ನಯ ಕಥೆಯೊಂದು?
ಜೀವವು ಇರದ ಜೀವನದಲ್ಲಿ
ಬದುಕೇ ಇಲ್ಲದ ಕಾಯಕದಲ್ಲಿ
ಕಥೆಯ ಒಂದನು ಹೇಳುವೆ
ಎನ್ನ ಕಥೆಯ ಒಂದನು ಹೇಳುವೆ |೧|
ನಲಿಯುತ ಹಾಡುತ ಕುಣಿಯುತಲಿದ್ದೆ
ಸಮಯಕ್ಕೆ ತಕ್ಕಂತೆ ಬರುತ್ತಿತ್ತು ನಿದ್ದೆ
ಪ್ರೀತಿಯೆಂದರೇನು? ಅರಿಯದೆ
ಒಂದು ಹುಡುಗಿಯ ಪ್ರೀತೀಲಿ ಬಿದ್ದೆ |೨|
ಜೂನು ತಿಂಗಳು ವಾರವೇ ಗೊತ್ತಿಲ್ಲ
ಮೊದಲ ಬೇಟಿಯು ಅಂದೇ ಆದೆನಲ್ಲ
ಹೃದಯವು ತಡವರಿಸಿ ಪ್ರೀತೀಲಿ ಬಿತ್ತಲ್ಲ
ಅವಳ್ಯಾರೋ? ಅಂತ ಒಂದೂ ಗೊತ್ತಿಲ್ಲ |೩|
ಅವಳ ನೋಟಕ್ಕೆ ಹೃದಯವೇ ಗಾರುಡಿಗ
ಮನಸ್ಸಿಗೆ ಅವಳ ನೆನಪೇ ಸೋಜಿಗ
ಪ್ರೀತಿಯೇ ಮಾಯಾ ಜಾಲದ ಅಂಬಿಗ
ಹುಟ್ಟು ಇಲ್ಲದೆ ಸಾಗಿದ ನಾವಿಕ |೪|
ದಿನವು ಉರುಳಿದಂತೆ ಒಲವು ಹೆಚ್ಚಿತು
ನಿನ್ನೊಲವ ಭೇದಕೆ ಹೃದಯ ಬೆಚ್ಚಿತು
ಯಾವ ವಿಷದ ಜಂತುವು ಕಚ್ಚಿತು
ನನಗೆಂದೂ ತೆರೆಯದೆ ಬಾಗಿಲು ಮುಚ್ಚಿತು |೫|
ಮಾತಿನ ಇರಿತದಲಿ ನಾನು ನೊಂದೆ
ಮರುಮಾತ ಆಡದೆ ಒಳಗೆ ಬೆಂದೆ
ತಪ್ಪನು ಮಾಡದೆ ನೀನೇಕೆ? ಅಂದೆ
ನನ್ನಯ ನೋವು ನಿನ್ನರಿವಿಗೆ ಬಾರದೆ |೬|
ನನ್ನಯ ಕಥೆಯ ಕೇಳಲು ಗೋಳು
ಹೃದಯದ ಅಂತರದಲಿ ತುಂಬಿಹೆ ಅವಳು
ಕಾರಣವ ಹೇಳದೇ ಬಿಟ್ಟೇ ಹೋದಳು
ಎಂದಾದರೂ ಮತ್ತೆ ಸಿಗಬಹುದೇ! ಅವಳು |೭|
insta:- unique_abhyaa
- abhi.s.j
20 Oct 2025, 06:51 pm
Download App from Playstore: