ಅವಳ ಕೂದಲೇ ಕುಂಚವಾಗಿ,
ಅವಳ ನೋಟವೇ ಬಣ್ಣವಾಗಿ,
ಅವಳ ಮುಖ ಕಮಲವೇ ಹಾಳೆಯಾಗಿ,
ಕಂಡಳು, ಸೌಂದರ್ಯಕೇ ರೂಪು ಕೊಟ್ಟ ಚಿತ್ರವಾಗಿ,
ಆ ಚಿತ್ರಕೆ ಜೀವ ಹುಡುಕಲು ನಾ ಹೋಗಿ,
ನಿಂತೆ ಅವಳ ಮನದ ಬಾಗಿಲಲಿ ಅಥಿತಿಯಾಗಿ,
ಆ ಬಾಗಿಲ ತೆರೆದಾಗ ನಿಂತಿದ್ದೆ ನಾ ಬಿಂಬವಾಗಿ,
ಅವಳ ಮನದ ಅರಮನೆಯ ದೊರೆಯಾಗಿ..!
ಅರಮನೆ ಏನೋ ಕಟ್ಟಾಗಿದೆ,
ರಾಜ ನಾ ರಾಣಿ ಅವಳೆಂದಾಗಿದೆ,
ಸಮರಸದ ಮುನ್ನ ಸೂತಕದ ಛಾಯೆ ಮೂಡಿದೆ,
ಜಾತಿ ನೀತಿಗಳು ಅಡ್ಡ ಗೊಡೆಗಳಾಗಿದೆ,
ಪೂರ್ವಿಕರ ಪುರಾಣ ಪ್ರಾಣ ಹಿಂಡಿದೆ,
ಅವರ ಮಾತು ಮೀರಲಾರದೆ,
ಚಿತ್ರ ಪಟದಲಿ ಇಬ್ಬರ ಜೀವ ಉಸಿರುಗಟ್ಟಿದೆ...,
ಚಿತ್ರಪಟದಲೇ ಎರಡು ಜೀವ ಒಂದಾಗಿದೆ...!
insta:- unique_abhyaa
- abhi.s.j
28 Oct 2025, 10:00 pm
Download App from Playstore: