ನಿನ್ನ ಕಾಡಿಗೆ ಕಣ್ಣಿನಲ್ಲಿ
ಮಾತು ಹರಿದು ಬರಲಿ
ಒಣಗಿದ ನನ್ನೇದೆಗೆ ಜೀವತುಂಬಲಿ
ನಿನ್ನ ನೋಟ ಹರಿದುಬಂದು
ನನಗೆ ದಾರಿ ದೀಪವಾಗಲಿ
ಕನಸು ಕಂಡ ನನ್ನ ಮನಕೆ ನೆಮ್ಮದಿ ನೀಡಲಿ
ಹಿಂದೆ ಸರಿದ ನಿನ್ನೆಗಳು ಮತ್ತೆ ಕಾಡದಿರಲಿ
ನಿನ್ನ ಮುಗುಳು ನಗು ನನ್ನ ಬಾಳಿಗೆ ಬೆಳಕು ಬೀರಲಿ
ಸ್ವಾತಿ ಮಳೆಯ ಮುತ್ತು ಹನಿಗೆ ಪ್ರೀತಿ ಚಿಗುರಲಿ
ಬಳಲಿ ಬೆಂಡಾದ ನನ್ನ ಜೀವನದಲ್ಲಿ
ಒಲವಿನ ತೆನೆ ಒಡಮೂಡಲಿ
ನನ್ನ ಬಯಕೆ ಒರತೆಗಳು ತುಂಬಿ ತುಳುಕಲಿ
ಕವಲು ಒಡೆದ ನನ್ನ ದಾರಿಗೆ ದಿಕ್ಕು ತೋರಲಿ
ನನ್ನ ನಿನ್ನ ಹೆಜ್ಜೆ ಗುರುತು ಒಂದೇ ದಿಕ್ಕಿಗೆ ಸಾಗಲಿ
ನನ್ನ ಹೃದಯ ಬಯಲಿನೊಳಗೆ
ನಿನ್ನ ಪ್ರೀತಿ ಹುಟ್ಟಿ ಬರಲಿ.........
insta:- unique_abhyaa
- abhi.s.j
10 Nov 2025, 11:13 pm
Download App from Playstore: