ಯಾರ ಬಣ್ಣಿಸಲಿ ನಾನು...
ಯಾರ ಬಣ್ಣಿಸಲಿ ನಾನು
ಯಾರ ಮೆಚ್ಚಿ ಬರೆಯಲಿ ನಾನು.
ನಿನ್ನ ಮುಂಗುರುಳು ಕಪ್ಪು
ಹೊಗಳಿದರೆ ನಾ
ನಿನ್ನ ಕಾಮನ ಬಿಲ್ಲಿನ
ಹುಬ್ಬುಗಳಿಗೆ ಅಸಮಾಧಾನ.
ನಿನ್ನ ಅರಳುಕಂಗಳ ಬೆರಗು
ಸವಿಯುವಾಗ
ಸಂಪಿಗೆಯ ನಾಸಿಕದ ತುದಿ
ತುಸುಕೆಂಪು.
ನಿನ್ನ ಕೆಂಗುಲಾಬಿ ಕೆನ್ನೆಯ
ಅಭಿನಂದಿಸೆ ನಾನು
ನಿನ್ನಧರದಲ್ಲಿ ಕೊಂಕು ನಗೆಯ
ಕಿಡಿಕೋಪ
ನಿನ್ನ ಮಧು ತುಂಬಿದ ತುಟಿಯ
ಬಣ್ಣಿಸಲು ನಾನು
‘ನಾನೇನು ಕಡಿಮೆ’
ನುಡಿಯಿತು ಬಿಂಕದ ಸಿಂಹ ಕಟಿ.
ನನ್ನ ಪೆಚಾಟವ ನೋಡಿ
ನಗುತಿಹುದು ನೀನಿಟ್ಟ
ಕುಂಕುಮದ ಬಿಂದು.
ಯಾರ ಬಣ್ಣಿಸಲಿ ನಾನು
ಯಾರ ಮೆಚ್ಚಿ ಬರೆಯಲಿ
‘ಕವನ’
ನಾನಿಂದು.
insta:- unique_abhyaa
- abhi.s.j
23 Nov 2025, 09:05 pm
Download App from Playstore: