ಆತ್ಮಕ್ಕಿಲ್ಲ ಮುಪ್ಪು
ಮುಪ್ಪುಆವರಿಸಿದೆ ದೇಹದ ಕಣಕಣವ
ಬಾಗಿದ ಬೆನ್ನು ಸತುವಿಲ್ಲದ ನಡುವು
ಸುಕ್ಕಾದ ಚರ್ಮಕೆ ಲೆಕ್ಕವಿಲ್ಲದಷ್ಟು ನೆರಿಗೆ
ಬೆರಳೆಣಿಕೆಯ ಹಲ್ಲು ಬೊಚ್ಚು ಬಾಯಿಗೆ ಮಾಸಿದರೇನು ಚರ್ಮದ ಚೆಲುವು
ಮನದಲಿದೆ ಬದುಕುವ ಬಲವು
ಬೊಚ್ಚು ಬಾಯಲಿ ಮಾಸಿಲ್ಲ
ಹೂನಗೆಯ ಚೆಲುವು
ಪೊರೆ ಬಂದ ಕಣ್ಣಿಗೂ ನಿತ್ಯ ನೂರು ಕನಸು
ಮಾಗಿದ ಬದುಕಲಿ ದಿನ ಆರಳುವುದು ಮನಸು
ಮುಪ್ಪು ಎಸೆಯುತಿದೆ ಹೊಸ ಹೋರಾಟದ ಹಾದಿಯ
ಮನಸು ನೀಡುತಿದೆ ಮುಪ್ಪ ಮೆಟ್ಟೋ ಧ್ಯೇಯ
ಮುಪ್ಪಿಗಿದ್ದರೇನು ನೂರು ಬದಲಾವಣೆಯ ಗೋಳು
ಬದುಕು ನಿನದೇ ನಗುನಗುತ ಬಾಳು
ಹಾಕದಿರು ಮುಪ್ಪಿಗೆ ಸೊಪ್ಪು
ಇದು ಬರಿ ದೇಹಕೆ ಮನಸಿಗಿಲ್ಲ ಮುಪ್ಪು
ಭಾವಕಿಲ್ಲ ಮುಪ್ಪು
ಆತ್ಮಕಿಲ್ಲ ಮುಪ್ಪು
ರಶ್ಮಿ ಭಟ್ಟ
- RASHMI BHAT
05 Dec 2025, 01:22 pm
Download App from Playstore: