ನೇಸರಾ ನೋಡು
ನೇಸರಾ ನೋಡು
ಮೂಡಣದಂಗಣ ಥಣಥಣ ಹೊಳೆದಿದೆ /
ಮೂಡಿದೆ ನೇಸರ ಹೊಂಗಿರಣ //
ಮೋಡದ ಅಂಚೊಳು ಚೆಲ್ಲಿದೆ ನೆತ್ತರ/
ಮೂಡಿದೆ ಭಾಸ್ಕರನವತರಣ //
ಸುಂದರ ತಿಲಕವು ತಾಯಿಯ ಹಣೆಗಿದು /
ಕುಂದದ ನೇಸರ ತಿಲಕದೊಲು //
ಬಂದನು ಚಿಲಿಪಿಲಿ ಜೋಗಳ ಕೇಳುತ /
ಮಿಂದಿಹ ಸಾಗರ ಹಂಡೆಯೊಲು //
ಬಿಂಬಕೆ ಥಳಥಳ ಕಡಲಲೆ ಮಿಂಚಿದೆ //
ಬಿಂಬಿತ ಭಾನುವ ವೈಭವವು //
ನಂಬಿಹ ದೈವವು ನಿಜಕೂ ನೀನೇ /
ಗೊಂಬೆಯಲೇನದು ಸಂಭವವು //
ಸುಮಗಳ ಫಕಳೆಯ ಸವರಿದೆ ಮುದ್ದಿಸಿ /
ಗಮನವ ಸೆಳೆದಿದೆ ಜಗದಲ್ಲಿ //
ಸಮರಿಹರಾರೀ ಜಗದೊಳ್ ದೇವರು /
ತಮವಾ ನೀಗುವ ನಡೆಯಲ್ಲಿ //
ಚಿಗುರೆಲೆ ಕುಣಿತವು ಖಗಮಿಗ ಪುಳಕವು /
ನಗುವಿನ ಬಗೆಬಗೆ ನೋಟಗಳು //
ಗಗನದ ದೊರೆಯಿವ ಮೋಡವೆ ನರ್ತಕಿ /
ಬಗೆಬಗೆ ಚುಂಬಿಸಿ ಕೂಟಗಳು //
ಕಪ್ಪನೆ ಸುಂದರಿ ಮೋಡಿಣಿ ಮಿಲನದಿ /
ದೊಪ್ಪನೆ ಜನನವು ವರುಣನವ //
ಬೆಪ್ಪೊಳು ಬೆವರಿಸಿ ಚಾಟಿಯ ಬಾರಿಸಿ /
ತಪ್ಪಿಗೆ ಶಿಕ್ಷೆಯು ಕರುಣನಿವ //
ಶಿವಪ್ರಸಾದ್ ಆರಾಧ್ಯ ಮಲ್ಲರಬಾಣವಾಡಿ ನೆಲಮಂಗಲ
- shivaprasad aradhya
14 Apr 2026, 05:15 pm
Download App from Playstore: