? ನಿಸರ್ಗ ಸಿರಿ ಕರ್ನಾಟಕ ?
ಹಸಿರ ಹೊದಿಕೆಯ ಉಟ್ಟು ನಿಂತಿದೆ ಸಹ್ಯಾದ್ರಿಯ ಸಾಲು,
ಝರಿ-ನದಿಗಳ ನಾದದೊಳು ಹರಿವುದಿಲ್ಲಿ ಹಾಲು!
ಜೋಗದ ಜಲಪಾತದ ಭೋರ್ಗೆರೆವ ಅಂದ,
ಬಾನಿಗೇರಿ ನಿಂತಿದೆ ಮುಗಿಲ ಸಾಲಿನ ತಂದ.
ಕಾಫಿ ತೋಟದ ಕಂಪು, ಕೊಡಗಿನ ಹಿಮದ ಹನಿ,
ಕಾಡಿನಲಿ ಮಾರ್ದನಿಸುವ ಹಕ್ಕಿಗಳ ಇಂಚರ ಧ್ವನಿ.
ಕರಾವಳಿಯ ಅಲೆಗಳು ತೀಡುತಿವೆ ಪಾದವನ್ನು,
ಕಂಡು ಮೈಮರೆಯುವುದು ಕನ್ನಡಿಗನ ಕಣ್ಣು!
ಗಂಧದ ಗುಡಿಯಲಿ ಹೂವಿನ ಪರಿಮಳದ ಘಮಲು,
ಪ್ರಕೃತಿ ಮಾತೆಯ ಮಡಿಲಲಿ ಕಳೆವುದು ಪ್ರತಿಯೊಂದು ಹಗಲು.
ಬಂಗಾರದ ಭೂಮಿ ಇದು, ಸಿರಿಗನ್ನಡದ ಸೀಮೆ,
ಈ ನಿಸರ್ಗದ ಸೌಂದರ್ಯವೇ ನಮ್ಮೆಲ್ಲರ ಹಿರಿಮೆ!
- Chaitra Patil
02 Aug 2026, 12:05 pm
Download App from Playstore: