ಮುದ್ದು ಕಂದ...
ಓ ನನ್ನ ಹೊಂಬೆಳಕೆ,
ಬಾ ನನ್ನ ಅಂಗಳಕೆ.
ನಿನ್ನ ಚೆಲುವಿನ ರೂಪ,
ನನ್ನ ಕಣ್ಣಿನ ದೀಪ.
ನಿನ್ನ ತೊದಲಿನ ನುಡಿಯು
ನನ್ನ ಹೃದಯದ ನಡೆಯು.
ನಕ್ಕರೆ ನೀನು ಹುಣ್ಣಿಮೆ ಚಂದಿರನ ಹಾಗೆ,
ಅತ್ತರೆ ನೀನು ತುಂಟ ಕೃಷ್ಣನ ಹಾಗೆ.
ನಿನ್ನ ಸುಂದರ ನಡೆಯು ಹಂಸ ಪಕ್ಷಿಯಂತೆ,
ನಿನ್ನ ಸುಂದರ ನುಡಿಯು ಕೊಳಲಿನ ನಾದದಂತೆ.
ನಿನ್ನ ಕಾಲ್ಗೆಜ್ಜೆಯನಾದ ಸುಮಧುರ ಸಂಗೀತದಂತೆ,
ನಿನ್ನ ಸುಂದರ ಮುಂಗುರುಳು ದೃಷ್ಟಿಯ ಬೊಟ್ಟಿನಂತೆ.
ನಿನ್ನ ಈ ಮುದ್ದಾಟದಲಿ,
ನಿನ್ನ ಈ ತುಂಟಾಟದಲಿ ನಾ ಕಂಡೆ ನನ್ನ ಬಾಲ್ಯವ.
- Sampada
28 Sep 2026, 09:46 pm
Download App from Playstore: