ಒಂದಷ್ಟು ಮಾತುಗಳನು ಮರೆತಿದ್ದ
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ತಾಯಿಯೊಬ್ಬಳು ಮಗುವಿಗೆ ಹಾಲುಣಿಸುವ
ಅನುರಾಗದ ತನ್ಮಯತೆಯಲ್ಲಿ..
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ಮರಿಮೊಮ್ಮಕ್ಕಳನು ಮುದ್ದಿಸುವ ಶತಾಯುಶಿ ಮುದುಕಿಯ ಸಂತೃಪ್ತಿಯ ನಗುವ ನೋಡಿ..
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ಕೈಯೊಡ್ಡಿ ಬೇಡಿದ ಕುರುಡ ಬಿಕ್ಷುಕನೊಬ್ಬನ
ದೈನ್ಯತೆಯ ಯಾಚನೆಯ ಕಂಡು..
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ಲೆಕ್ಕ ತಲೆಗೆ ಹತ್ತಿಸಿಕೊಳ್ಳಲಾಗದ ದಡ್ಡ
ವಿದ್ಯಾರ್ಥಿಯೊಬ್ಬನ ಚಡಪಡಿಕೆಯಲ್ಲಿ..
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ಬೀದಿನಾಯಿಯೊಂದಿಗೆ ತಿರುಗುವ ಕೆದುರುಕೂದಲ ಅಲೆಮಾರಿಯ ನೋಡಿ..
ಒಂದಷ್ಟು ಮಾತುಗಳನು ಮರೆತಿದ್ದೇನೆ
ನಾನು ಮಾತನಾಡಲಾಗದೆ..
ನಿಲುವುಗನ್ನಡಿಯೆದುರು ನಿಂತು
ಸ್ವತಃ ನನ್ನದೇ ಬಿಂಬವನು ಕಂಡು..
- Manjunath
30 Aug 2016, 05:30 pm
Download App from Playstore: