ಆಕಾಂಕ್ಷಿ
ಹೇ ನಿನಗಾಗಿಯೇ,
ನನ್ನ ಜಪವು ನಿನಗಾಗಿಯೇ
ನನ್ನ ಧ್ಯಾನ ಮೌನವು ನಿನಗಾಗಿಯೇ
ನನ್ನ ಉಸಿರೇ ನೀನಾಗಿರುವೆ.
ಹೇ ನಿನಗಾಗಿಯೇ,
ನಿನ್ನ ಗುಂಗಿನಲ್ಲಿಯೇ ಕಳೆದಿರುವೆ ನಾ ದಿನವೆಲ್ಲವ
ಬಳಿಬಾರದೆ ಕೃಪೆತೋರದೆ ಏಕೆ ಹೀಗೆ ಕಾಡಿರುವೇ
ಹೇ ನನ್ನಾಣೆ ನೀ ನನಗಾಗಿಯೇ.
ಹೇ ನಿನಗಾಗಿಯೇ,
ನಾ ಕಾಯುತ್ತಾ ಆಗಿರುವೆ ನಿರುದ್ಯೋಗಿ, ನಿನ್ನ ನೆನಪಲ್ಲಿಯೇ ಮರೆತಿರುವೆ ನಾ ನನ್ನ ಜವಾಬ್ದಾರಿ
ಬಿಟ್ಟು ಹೋಗಿರುವವರು ನನ್ನೆಲ್ಲ ಒಡನಾಡಿಗಳು
ನಿನ್ನ ಹಂಬಲವೇ ಆಗಿಹುದು ನನ್ನ ದಿನಚರಿ
ತುಳಿಯುವೆನು ನಾ ನನ್ನ ಹುಟ್ಟೂರಿನ
ಹಾದಿ ನಿನ್ನ ಜೊತೆಗೂಡಿ .
ಹೇ ನಿನಗಾಗಿಯೇ ,
ನಾ ಕೈಚೆಲ್ಲಿಹೆ ಬಯಸದೆ ಬಂದ ಅವಕಾಶಗಳ
ಪ್ರೀತಿಸಿರುವೆ ನಾ ನಿನ್ನ ಪ್ರೇಮಯಾಗಿ
ಕಠಿಣವಾಗಿಹುದು ನನ್ನ ಮುಂದಿನ ಹಾದಿ
ಕಾಯುತ್ತಾಇರುವೆ ನಾ ನಿನಗಾಗಿ
ನೀನೆಂದು ನನಗಾಗಿಯೇ, ಇದು ನಿಜವೇ.
ಹೇ ನೀ ನನಗಾಗಿಯೇ,
ನನ್ನ ಬಾಳಿನಬಂಡಿ ಸುಂದರವಾಗಿ ಸಾಗಲು
ಇನ್ನಾದರೂ ಮುನಿಸು ಬಿಟ್ಟು ಬಾ ನನ್ನ ಕೈ ಹಿಡಿದು
ನನ್ನ ಆಲಂಗಿಸು ಓ ನನ್ನ ನೆಚ್ಚಿನ
ಸರ್ಕಾರಿ ಕೆಲಸವೇ, ನಾನೆ ನಿನ್ನೊಲವಿನ ಆಕಾಂಕ್ಷಿ .
- ಕೃಷ್ಣ
18 Sep 2016, 08:10 pm
Download App from Playstore: