ಮೀಸಲು
ಮೆಚ್ಚಿ ಮದುವೆಯಾದೆ ನಾನು
ಕುಡಿಯಬೇಡ ನನ ಗಂಡ ನೀನು
ಕುಡಿದು ಕೆಡಬೇಡ
ಹೆತ್ತ ತಂದೆ-ತಾಯಿಯ ಮರೆತು ನಾನು
ನೀನೇ ಎಲ್ಲ ಅಂದೆ
ಅಕ್ಕ-ತಂಗಿಯರ ಮರೆತು ನಾನು
ನಿನ್ನಲ್ಲಿ ಒಂದಾದೆ
ನನ್ನ ಜೀವ ನಿನ್ನ ಜೀವ
ಬೆರೆತು ಹೋದ ಮೇಲೆ
ನನ್ನ ಪಾಲಿನ ಎಲ್ಲರನ್ನು
ಮರೆತು ಹೋದೆ ನಾನು
ನನ್ನ ಮಕ್ಕಳು, ನನ್ನ ಗಂಡ
ಎಂದು ಅಂದೆ ನಾನು
ಸಾರಾಯಿಯೇ ಎಲ್ಲ ನನಗೆ
ಎಂದು ಅಂದೆ ನೀನು
ಇದ್ದರೆ ಇರಲಿ ಈ ಜೀವ ಮಕ್ಕಳ ಸಲುವಾಗಿ
ಹೋದರೆ ಹೋಗಲಿ ಈ ಜೀವ ಗಂಡನ ಸಲುವಾಗಿ
ಹೆತ್ತ ತವರಿಗೆ ಮಾಡಿದ ಮೋಸ
ಮೀಸಲಾಯ್ತು ನನಗೆ.
ಸುನಂದಾ .ಓ. ಮಾದರ
- Sunand .O. Madar
30 Sep 2016, 02:29 pm
Download App from Playstore: