ಹೇಗೆ ಸಾಧ್ಯ
ಕಣ್ಣ ವಳಗೆ ಹುದುಗಿ ಕುಳಿತ
ನಿನ್ನ ಬಿಂಬ ಜಾರಿದ ಮೇಲೆ
ಕಂಬನಿಗೆ ಬೇರೆ ಅರ್ಥ
ಹುಡುಕಲು ಹೇಗೆ ಸಾಧ್ಯ!!
ಚೆಳದಿಂಗಳ ಬೆಳಕು ಕೂಡಾ
ಮೈಯನ್ನೆಲ್ಲ ಸುಡುತಿರುವಾಗ
ಉರಿಬಿಸಿಲ ಹಾದಿಯಲ್ಲಿ
ನಡೆಯುವುದು ಹೇಗೆ ಸಾಧ್ಯ!!
ಒಡೆದಿರುವ ಕನ್ನಡಿಯ
ಜೋಡಿಸಿ ನೋಡಿದರೆ
ಅಂದವಾದ ಪ್ರತಿಬಿಂಬ
ಕಾಣುವುದು ಹೇಗೆ ಸಾಧ್ಯ!!
ಕಳೆದಿರುವ ಕ್ಷಣವನ್ನು
ನೆನೆದು ಮರುಗಿದರೆ
ಮರೆಯಾದ ಇನಿಯ ನೀ
ಮರಳಲು ಹೇಗೆ ಸಾಧ್ಯ!!
- ಪಿ.ಜಿ.ಜ್ಯೋತಿ
08 Oct 2016, 04:54 pm
Download App from Playstore: