ಅವಳ ಕನಸು
ರಾತ್ರಿಯಾದರೆ ಅವಳು ಕನಸಲಿ
ಮೋಹಗೊಂಡೆನು ನಾನು ಇರುಳಲಿ!!
ಕಣ್ಣ ಬಿಟ್ಟರೆ ನನ್ನ ಎದುರಲಿ
ಬೆಳಕ ಚೆಲ್ಲುವ ಹಣತೆ ಕೈಯಲಿ!!
ಬೆಚ್ಚಿ ಕುಳಿತರೆ ಭ್ರಮೆಯು ನನ್ನಲಿ
ಮೆಚ್ಚಿದಾಕೆಯ ನೆನಪು ಮನದಲಿ!!
ರೆಪ್ಪೆ ಮುಚ್ಚಲು ಕಣ್ಣ ಒಳಗಡೆ
ಬಂದೆ ಬಿಟ್ಟಳು ಮತ್ತೆ ಕನಸಲಿ!!
ದೂರದಲ್ಲಿ ಯಾರೋ ನಿಂತು
ಕೈಯ ಬೀಸಿ ಕರೆದು ಸೊಗಸಲಿ!!
ಇರಿಸು ಮುರಿಸು ಮತ್ತೆ ಮನಸಲಿ
ಕಂಡೆ ಕನಸ ನಾನು ಹಗಲಲಿ !!
ಎದೆಯ ಒಳಗೆ ಮಿಡಿವ ಹೃದಯವು
ನೆಗೆದು ಹಾರಿದೆ ಹುಚ್ಚು ಕನಸಲಿ!!
ಸದ್ದು ಮಾಡದೆ ಎದ್ದು ಓಡಿದೆ
ಎತ್ತ ತಿಳಿಯದೆ ಮತ್ತೆ ಕನಸಲಿ!!
- ಪಿ.ಜಿ.ಜ್ಯೋತಿ
20 Oct 2016, 03:35 pm
Download App from Playstore: