ನಾನು ಗಲೀಜು
ಒಂಟಿಯಾಗಿರುವನೊಬ್ಬನ ಮನಸೊಂದು
ಮೂಲೆಯಲೆಲ್ಲೋ ಇರುವ ಕಸದ ಬುಟ್ಟಿಯಂತೆ…
ಆತ ತಾನೇ ಮೂಟೆಕಟ್ಟಿ ಎಸೆದ ಭಾವನೆಗಳ ರಾಶಿಯನು
ಆಗಾಗ ತಡಕಾಡುತ್ತಾನೆ …
ಸ್ವಚ್ಛ ಮನದಲ್ಲಿ ಹುಡುಕಲು
ಹಳೆಯದೇನೂ ಇಲ್ಲ,
ಹುಡುಕಿದರೆ ಕಸದಡಬ್ಬಿಗೆ
ಕೈಯಾಡಿಸಬೇಕು ತಾನೇ…?
ಈ ಮನೆ-ಮನಗಳರೆಡೂ
ಸ್ವಲ್ಪವಾದರೂ ಧೂಳಾಗುತ್ತಿರಬೇಕು,
ಬದುಕೆಂಬ ಬಕೇಟಿಗೆ ಸಾಂತ್ವನದ ನೀರುತುಂಬಿ
ಮನದ ನೆಲವನೊರೆಸುವ ಮಜವೇ ಬೇರೆ…
ಹರಕು ಬಟ್ಟೆಗೂ ಕರ್ಮ ಸಂತೃಪ್ತಿ ಸಿಗುವುದು…
ಗೆಳತಿ,
ಹಾಗಾಗಿ ನಾನು ಗಲೀಜು…
- ಒಂಟಿತೋಳ
03 Nov 2016, 11:29 am
Download App from Playstore: