ಶ್ರೀ ಕೃಷ್ಣನ ಹೆಜ್ಜೆ ಗುರುತು
ರಂಗವಲ್ಲಿಯ ನಡುವೆ
ರಂಗ ನಿನ್ನ ಹೆಜ್ಜೆ ಗುರುತು
ರಂಗಾಗಿ ಕಂಡಿತಯ್ಯ ನನ್ನ ಕಣ್ಣಿಗೆ
ರಂಗಾಗಿ ಕಂಡಿತಯ್ಯ ನನ್ನ ಕಣ್ಣಿಗೆ!!
ಲಾಲಿಸಿದಾ ತಾಯಿ
ಪೋಷಿಸಿದಾ ತಾಯಿ
ಕಂದಾ ಎಂದಾಗ
ನೀನೋಡಿ ಬರುವಾಗ
ನೀನಿಟ್ಟ ಹೆಜ್ಜೆ ಗುರುತು
ರಂಗಾಗಿ ಕಂಡಿತಯ್ಯ ನನ್ನ ಕಣ್ಣಿಗೆ!!
ನಿನ್ನ ಪಾದ ಸ್ಪರ್ಷದಿಂದ
ಭೂ ತಾಯ ಆನಂದ
ಹೇಳಲಾಗದು ಕೃಷ್ಣ
ಹೇಳಲಾಗದು!!
ಪಾದದ ರೇಖೆಯೇ
ಪಾಪ ಕಳೆವ ಮೋಕ್ಷದಂತೆ
ಪಾದದಡಿಯ ಧೂಳೆಲ್ಲ
ಮುಕ್ತಿ ಕೊಡುವ ಭಸ್ಮದಂತೆ!!
ರಂಗವಲ್ಲಿಯ ನಡುವೆ
ರಂಗ ನಿನ್ನ ಹೆಜ್ಜೆ ಗುರುತು
ರಂಗಾಗಿ ಕಂಡಿತಯ್ಯ ನನ್ನ ಕಣ್ಣಿಗೆ
ರಂಗಾಗಿ ಕಂಡಿತಯ್ಯ ನನ್ನ ಕಣ್ಣಿಗೆ!!
- ಪಿ.ಜಿ.ಜ್ಯೋತಿ
25 Nov 2016, 03:53 pm
Download App from Playstore: