ವಧುವಾಗಿ ನನ್ನವಳು
ಮದುವೆ ಮಂಟಪದಲ್ಲಿ
ನವ ವಧುವಾಗಿ ನನ್ನವಳು
ವರನ ಕೈ ಹಿಡಿದು
ಸತಿಯಾಗ ಹೊರಟಿಹಳು!!
ಅಗ್ನಿ ಕುಂಡವ ಸುತ್ತಿ
ಸಪ್ತಪದಿ ತುಳಿವಾಗ
ಹಿಂದಿರುಗಿ ನನ್ನ ಒಮ್ಮೆ
ನೋಡುವುದ ಮರೆತಿಹಳು!!
ಹಗಲಲ್ಲಿ ಇರುಳಲ್ಲಿ
ನನ್ನನ್ನೇ ನೆನೆದವಳು
ಸಂಗಾತಿ ನೀನೇನೆ
ನನ್ನ ಜೀವ ಎಂದವಳು!!
ಕೈ ಹಿಡಿದು ಊರೂರು
ಸುತ್ತಿ ನಡೆದವಳು
ಹೆಜ್ಜೆಯ ಗುರುತನ್ನು
ತಾ ಮರೆಯ ಹೊರಟಿಹಳು!!
ಕಂಬನಿಯು ತುಂಬಿರುವ
ಈ ನನ್ನ ಕಣ್ಣುಗಳ
ಭಾವನೆ ಅರಿಯದ
ಪ್ರಿಯತಮೆ ನನ್ನವಳು!!
ಕಾಯುತ್ತ ನಿಂತಿಹುದು
ಈ ಮನ ಮೌನದಲಿ
ಬಂದುಬಿಡು ಗೆಳತಿ
ಹಿಂದಿರುಗಿ ಎನ್ನುತಲಿ!!
- ಪಿ.ಜಿ.ಜ್ಯೋತಿ
09 Dec 2016, 12:41 pm
Download App from Playstore: