ನನ್ನಯ ಚೆಲುವೆ
ಹೊಸಥರ ನಗುವಳು ಏತಕೊ ಇವಳು ನನ್ನನು ಕಂಡಾಗ,
ಲೋಕವೆ ಕಾಣದು ನನ್ನಯ ಚೆಲುವೆ ಎದುರಲಿ ಇದ್ದಾಗ...
ಇನ್ನೂ ನೆನಪಿದೆ ಮೊದಲ ಸಲ ನೀನು ಕನಸಿಗೆ ಬಂದಾಗ,
ಕುಸುಮ ಸಂತೆಗೆ ನೀನೆ ಗಂಧವು ತುಸು ನಸುನಕ್ಕಾಗ...
ಹರಿಯುವ ತೊರೆಯು ಅರೆಕ್ಷಣ ನಿಂತು ನೋಡುವುದಿವಳಂದ,
ದುಂಬಿಗಳೆಲ್ಲವು ಸಾಲಲಿ ನಿಂತಿವೆ ಅರಸುತ ಮಕರಂದ...
ಬಿನ್ನಹ ಒಂದು ನಿನ್ನಲಿ ನಂದು ಆಲಿಸು ಮನಸಿಂದ,
ಕರೆಯುತ ನನ್ನ ಎನ್ನುತ ಚಿನ್ನ ಮೋಹಿಸು ಉಸಿರಿಂದ...
- ಜೀವಿ
10 Dec 2016, 07:43 am
Download App from Playstore: