ನಮ್ಮ ಬಡತನ
ನಮ್ಮ ಬಡತನ:
ಬಂಡಿಯ ನೊಗಹೊತ್ತು ಎಳೆಯುವ ಅಮಾಯಕ ಎತ್ತಿನಂತೆ,
ಬಿರುಗಾಳಿಗೆ ಸಿಕ್ಕು ಗರಗಿಟ್ಟಲೆಯಾದ ಒಣ ಎಲೆಯಂತ,
ಮೂಟೆ ಹೊತ್ತು ಊರೂರು ಸುತ್ತುವ ಕತ್ತೆಯಂತೆ,
ಉಂಡವರು ಉಂಡೆಸೆದ ಎಲೆಯೊಳಗಿನ ಅನ್ನ ಅರಸುವಂತೆ,
ಒಡೆದು ಮಾಸಿದ ಕನ್ನಡಿ ನಮ್ಮ ಬಡತನ ನಮಗೆ ತೋರಿಸುವಂತೆ,
ಆಕಾಶಕ್ಕೆ ಎಸೆದ ಆಸೆಯ ಕಲ್ಲು ಮರಳಿ ಬಂದು ನಮಗೇ ಬಡಿಯುವಂತೆ,
ಯಜಮಾನರಿಗೆ ಅಂಗಳ ಅಂಚಿನಲ್ಲಿ ಕಾವಲು ಕಾಯುವ ಚಪ್ಪಲಿಯಂತೆ,
ನಮ್ಮವರ ಕಣ್ಣುಗಳ ಅಂಚುಗಳಲಿ ತುಂಬಿಕೊಂಡ ದುಃಖದ ಚಿತ್ರಗಳಿಗೆ ಮರಳಿ ಮರಳಿ ಜೀವ ಬಂದಂತೆ,
ನಮ್ಮ ಬಡತನ.....ನಮ್ಮ ಬಡತನ..........
ರಚನೆ: ರೇವಣಸಿದ್ದ ಗೌಡರ.
- Revanasidda Goudar
10 Dec 2016, 07:46 pm
Download App from Playstore: