ನನ್ನ ತುಡಿತ
ನಮ್ಮ ಗುರುದೇವರೇ ನಮ್ಮ ಪ್ರಾಣ,
ನಮ್ಮ ಉಸಿರು, ಮತ್ತು ತ್ರಾಣ,
ಆತನೇ ನಮ್ಮ ಹೃದಯದ ಮಿಡಿತ
ಸದಾ ಎನ್ನಲ್ಲಿರಲಿ ಈ ತುಡಿತ!
" ಧ್ಯಾನ ದಾತನು ನೀನೆ
ಧ್ಯಾನ ಪ್ರಕ್ರಿಯೆ ನೀನೆ
ನನ್ನ ಹೃದಯದಲಿ ಕುಳಿತು
ಧ್ಯಾನ ಮಾಡುವವ ನೀನೆ
ಧ್ಯಾನ ಕೊಡುವವ ನೀನೆ
ಧ್ಯಾನ ಪಡೆವವ ನೀನೆ
ನೀನೀಡುವ ಈ ಧ್ಯಾನದ
ಪೂಣ೯ಫಲವೂ ನೀನೆ
ಹೃದಯದಲಿ ಕುಳಿತಿರುವ
ನಿನ್ನನ್ನೇ ನೋಡುವೆ,
ಧ್ಯಾನದಲಿ ಸದಾ
ನಿನ್ನನ್ನೇ ಸ್ಮರಿಸುವೆ,
ನಿನ್ನ ಪ್ರೇಮದಲಿ ನನ್ನನ್ನು
ಕರಗಿಹೋಗಿಸು ತಂದೆ,
ನಿನ್ನ ಸ್ವರೂಪದಲಿ ನನ್ನನ್ನು
ಐಕ್ಯಮಾಡಿಕೊ ಇಂದೇ!
ಸಾಕಿನ್ನು ಪ್ರಶ್ನೆ, ಸಾಕು ಚಚೆ೯,
ಸಾಕು ಓದುವದಿನ್ನು,
ಸಾಕು ತಿಳುವಳಿಕೆ, ಜ್ಞಾನ
ಸಾಕು ತೋರಿಕೆಯ ಧ್ಯಾನ
ಒಪ್ಪಿಕೋ ನನ್ನನ್ನು
ಅಪ್ಪಿಕೋ ನನ್ನನ್ನು
ಸೆಳೆದುಕೋ ನನ್ನನ್ನು
ನಿನ್ನ ಹೃದಯಾಂತರಾಳದಲಿ
- PRADEEP PURANIK
14 Dec 2016, 02:54 pm
Download App from Playstore: