,,ಕರ್ಪೂರ,,
ನಾನಿಲ್ಲದೆ ನಿನಗೆ ಪೂಜೆ ಪುರಸ್ಕಾರವೂ ಇಲ್ಲ
ಉಪವಾಸದ ಬಿಡುವಿಗೂ ಆ ಭೋಜನದ ನಂಟಿರುವಂತೆ
ರಬ್ಬರಿನ ಚೀಲದಲ್ಲಿ ಬಂಧಿಯಾಗುವೆ ಒಂದಿಷ್ಟು ದಿನ
ಮತ್ಯಾರೋ ಭಕ್ತರ ಹಾದಿಯನ್ನು ಕಾಣುವಂತೆ....
ನನ್ನ ಬಾಳಲಿ ಯಾವ ಮೋಹ ಮೋಸಗಳಿಲ್ಲ ನಿಮ್ಮಂತೆ
ನಿಮ್ಮ ಕಾಮನೆಯ ಸಾಕ್ಷಿಗೆ ನನ್ನ ಸುಡುವವರು ನೀವೆಲ್ಲ
ಆದರೂ ನಲಿವಿದೆ ಆ ನೋವಿನಲೆ ತ್ಯಾಗದ ಬೆವರು ಇದೆ
ಆದರೂ ಅವರ ಕಷ್ಟಗಳ ಸುಟ್ಟೆನೆಂಬ ಸಂತಸವಿದೆ ಮನದಲ್ಲಿ....
ಸುಡುವ ಬೆಂಕಿಯಲ್ಲಿ ಸುಟ್ಟು ಧಗಧಗನೆ ಉರಿಯುತಿರೆ
ನೀವ್ ಮಾತ್ರ ಕಣ್ಮುಚ್ಚಿ ನಿಲ್ಲುವಿರಿ ಮೌನಿಯಂತೆ
ಮತ್ತೆ ನನ್ನೊಡಲ ಕಾವಿಗೆ ಕೈಯಿಟ್ಟು ಮುಗಿಯುತಿರೆ
ಮಂದಹಾಸವಿದೆ ಈ ಕರಕಲು ಘಮವೇ ನಿನ್ನ ಉಸಿರು ಎಂಬಂತೆ....
ಓ ಢಾಂಬಿಕ ಭಕ್ತನೆ ನಿನ್ನೊಳಿರುವ ದೇವನ ನೀಕಾಣೇ
ಕಲ್ಲು ಮಣ್ಣುಗಳ ಪೂಜಿಸುವ ಹುಂಬನಂತಾದೆಯೆ
ಅರಳಿದ ಹೂವುಗಳ ಕಿತ್ತು ನೀ ಸದ್ಭಕ್ತನಾಗುವೆಯೆ
ಮನದ ಅರಿಷಡ್ವರ್ಗಗಳ ಮೆಟ್ಟಿ ನಿಲ್ಲು ನೀ ನೋಡು ಎಲ್ಲವೂ ದೇವನೇ....
ಸಂದೀಪ್ ಬಿ ಶೆಟ್ಟಿ(ಸ್ಯಾಂಡೀ....).
- Sandeep B Shetty (ಸ್ಯಾಂಡೀ....)
22 Dec 2016, 10:42 am
Download App from Playstore: