ಜಾತಿಯೇ ಪಿಡುಗು?
ಕಲ್ಲಲ್ಲಿ ಮಣ್ಣಲ್ಲಿ
ಹೂವು ಹಣ್ಣುಗಳಲ್ಲಿ
ಕಾಯಿ ಪಲ್ಯೆಗಳಲ್ಲಿ
ಗಾಳಿ ನೀರಲ್ಲಿ!
ಪ್ರಾಣಿ ಪಕ್ಷಿಗಳಲ್ಲಿ,
ಇರುವೆ ಉರಗಗಳಲ್ಲ್ಲಿ,
ಮೀನು ಮೊಸಳೆಗಳಲ್ಲಿ
ಮನುಜರಲ್ಲಿ!
ನೋಡಿ ನುಡಿಯೆಲೋ
ಜಾಣ!...ತೆರೆದ ಕಣ್ಣಲ್ಲಿ
ಜಾತಿಯಿಲ್ಲದ ಜಾಗ
ಇಹುದೇ.......ಜಗದಲ್ಲಿ??!??
ಸೃಷ್ಟಿಯಿಂದಲೇ ಬಂದ
ಕೋಟಿ ಜಾತಿಗಳಲ್ಲಿ,
ತಮ್ಮ ತಮ್ಮದೇ ಆದ ಗುಣಗಳುಂಟು,
ತಮ್ಮದೇ ಸೊಗಡುಂಟು,
ಸೊಬಗು ಉಂಟು.!
ಜಾತಿಯನೇ ಪಿಡುಗೆಂದು
ಗುಡುಗಿ ನುಡಿಯುವ ಮನುಜ,
ನಿನ್ನ ಮತಿಯೇ ಜಾತಿ ಗಂಟಿರುವ ಪಿಡುಗು,
ಭೇದ ಮಾಡುವ ನಿನ್ನ ದುರ್ಮತಿಯ ನೀತಿಯೇ,
ದ್ವೇಷ ಹಬ್ಬಿಸುತಿಹುದು,
ಎಲ್ಲ ಕಡೆಗೂ!
✍ಮಲ್ಲಿಭಾಗವತ ಗುಡಿಬಂಡೆ✍
- ಮಲ್ಲಿಭಾಗವತ್ ಗುಡಿಬಂಡೆ
23 Dec 2016, 04:05 pm
Download App from Playstore: