ಸರ್ವಂತರ್ಯಾಮಿ
ನರಮಾನವ ನೀನಾದೆ ನರ ಜನ್ಮವ ನೀ ತಳೆದೆ
ನರಕುಲ ಲೋಕಕೆ ನಾಕಲೋಕದ ನಗಾರಿಯಾದೆ
ನರಪಾಲನ ಶಿಶುವಾದೆ ನರಹರಿಯ ರೂಪವಾದೆ
ನಾನೆನ್ನುವ ನರಜಂತುವಿಗೆ ನರಕವ ತೋರಿದೆ
ನಿನ್ನನಾಮವ ನೆನೆಯುವ ನರನಿಗೆ ಮುಕ್ತಿಯ ನೀಡಿದೆ
ಭಕ್ತಿಯ ರೂಪವಾದೆ ಶಕ್ತಿಯ ತಿಲಕವಾದೆ,
ಸಪ್ತ ಋಷಿಗಳ ಸ್ವರೂಪನಾದೆ ಆದಿ ಅಂತ್ಯವಿಲ್ಲದ ಆಕಾರವಾದೆ ,
ಅಗ್ನಿ ಲೋಕದ ತಾಪವಾದೆ ಚಂದ್ರಲೋಕದ ಶೀತಲ ವಾದೆ ,ಮೃತ್ಯುಲೋಕಕೆ ಮೃತ್ಯುಂಜಯನಾದೆ ಸ್ವರ್ಗಲೋಕದ ಕಾಮಧೇನು ಪುಷ್ಪ ಪಾರಿಜಾತವಾದೆ,
ಸಪ್ತಲೋಕಗಳ ಸೂತ್ರಧಾರನಾದೆ ಅಷ್ಟದಿಕ್ಕುಗಳ ದಿಕ್ಪಾಲಕನಾದೆ,
ಸಹಸ್ರಬಾಹುಗಳ ಶಂಖ,ಚಕ್ರ ಗದಾಧಾರಿಯಾದೆ
ರುದ್ರತಾಂಡವದ ರುದ್ರಾಂಶವು ನೀನಾದೆ,
ಕರ್ಮನಿಷ್ಟನಿಗೆ ಕಾರುಣ್ಯದ ಸಿಂಧುವಾದೆ
ಯೋಗಿ ಬ್ರಹ್ಮರಿಗೆ ಯೋಗಾತ್ಮನಾದೆ,
ಸತ್ಯ ಧರ್ಮ ಪರಿಪಾಲಕನಿಗೆ ಧರ್ಮನಾಯಕನಾದೆ
ಕುಟಿಲ ಕ್ಷುದ್ರರಿಗೆ ಕಾಲಭಯಂಕರನಾದೆ,
ಸಾತ್ವಿಕ ಜೀವಿಗಳ ಸಚ್ಚಿದಾನಂದನಾದೆ
ಸರ್ವ ಬಲ್ಲವನಾಗಿ ಸರ್ವಜ್ಞನಾದೆ...
- Irayya Mathad
25 Dec 2016, 01:17 am
Download App from Playstore: