ಸ್ನೇಹಿತರು
ಮನುಕುಲದಿ ಭೇದವಿರದ ಬಂಧವಿದು
ಕುಲದ ಹೆಸರ ಈ ಸ್ನೇಹ ಬಯಸದು
ಬದುಕ ಬಂಧನವ ಬಿಡಿಸಿ ಮನಕೆ ಬಂಧವ ಬೆಸೆಯುತಿಹುದು
ದೂರಾಗಲು ಬಾಳ ಪಯಣಕೆ ದಾರಿ ತೋರುವ ರವಿಯು
ಕತ್ತಲ ಸರಿಸಿ ಬೆಳಕ ಚೆಲ್ಲುತ ಕೈ ಹಿಡಿದು ನಡೆಸುವ ಚಂದಿರರಿವರು
ಗಾಳಿ ಗೋಪುರಗಳಂತೆ ಕನಸು ಹೊತ್ತು ನಿಂತ ಮನಕೆ
ಸ್ತಂಭರಿವರು ಕನಸುಗಳು ನನಸಿನ ಗೋಪುರವಾಗಲು
ಬದುಕ ಹಾದಿಯಲಿ ಸೋತು ನಿಂತ ಜೀವಕೆ
ಸ್ಥೈರ್ಯ ತುಂಬಿ ಕನಸ ಚಿಲುಮೆಯ ಅರಳಿಸುವವರು
ನೊಂದು ನಿಂತಿರಲು ಮನವು ಜೀವನದ ಏಳು ಬೀಳುಗಳ ನಡುವೆ
ಸಂತೈಸಿ ಕೈ ಹಿಡಿದು ಹರ್ಷದ ಹೊನಲ ಹರಿಸುವವರು
ಸೋತಿರಲು ಜಗದೊಳು, ಕೈ ಬಿಡಲು ಬಂದು ಬಳಗವು
ಬದುಕ ಪ್ರತಿ ಹೆಜ್ಜೆಯ ಜೊತೆಗಿನ ಪಯಣಿಗರಿವರು
ನಗುತಿರಲು ಕಾಲೆಳೆದು ಅಳಿಸಿ ನಗಿಸಿ, ಅಳುತಿರಲು ಕಣ್ಣೀರು ಒರೆಸಿ
ಮೂಡಿರಲು ತುಂಟತನವು ಮನದಲಿ, ಹಾರುತಿರಲು ಮನವು ರೆಕ್ಕೆ ಬಿಚ್ಚಿ
ಒಡಗೂಡಿ ಬರುವವರು ಈ ಒಡನಾಡಿ ಸ್ನೇಹಿತರಿವವರು
- ಶ್ರೀಕಾವ್ಯ
27 Dec 2016, 10:08 pm
Download App from Playstore: