ಸೊನ್ನೆ ಮತ್ತು ಒಂದು
CHETHAN B C:
ನಾನು ಒಂದು (1) ನೀನು ಸೊನ್ನೆ (0)
ನನ್ನ ನಿನ್ನ ನಡುವೆ ಏಕೆ ಜಗಳ?
ನನ್ನ ನಿನ್ನ ಕೂಡಲು, ನಿನ್ನ ನನ್ನ ಕೂಡಲು, ನಾನೆ ದೊರೆಯುವೆ.
ನನ್ನಿಂದ ನಿನ್ನ ಕಳೆದರೆ, ನಾನೇ ಉಳಿಯುವೆ.
ನಿನ್ನಿಂದ ನನ್ನ ಕಳೆದರೆ, ನಾ ನನ್ನಷ್ಟೆ ಕುಗ್ಗುವೆ.
ನನ್ನ ನೀ ಗುಣಿಸಲೂ, ನಿನ್ನ ನಾ ಗುಣಿಸಲೂ ನೀನೆ ದೊರೆಯುವೆ.
ನಿನ್ನ ನಾ ಭಾಗಿಸಲು ನಾ ನೀನಾಗಬಹುದು.
ನನ್ನ ನೀ ಭಾಗಿಸಿದರೆ ನೀ ನಾನಾಗಲಾರೆ,
ನನ್ನ ಘಾತ ನೀನಾದರೆ, ನಾನು ದೊರೆಯುವೆ.
ನಿನ್ನ ಘಾತ ನಾನಾದರೆ, ನೀನೇ ದೊರೆಯುವೆ.
ಎಣಿಸಲು ಇದ್ದರೆ, ನಾನೇ ಮೊದಲು.
ಎಣಿಸಲು ಇಲ್ಲದಿದ್ದರೆ, ನೀನೇ ಮೊದಲು.
ನನ್ನ ಪಕ್ಕ ನೀನು ನಿಂತರೆ, ನನ್ನ ಬೆಲೆ ಹತ್ತು ಪಟ್ಟು.
ನಿನ್ನ ಬಳಿ ನಾನು ನಿಂತರೆ, ನನ್ನ ಬೆಲೆ ಅಷ್ಟಕಷ್ಟೆ.
ಜಗದ ಉಗಮಕೂ ಮೊದಲು ನೀನು ಇದ್ದೆ.
ಜಗದ ಉಗಮದ ನಂತರ ನಾನು ಬಂದೆ.
ನನ್ನ ನಿನ್ನ ಬಳಸಿತಾನೆ ಜಗದ ನಿಯಮಗಳ ಲೆಕ್ಕಚಾರ.
ನಾನು ನೀನು ಸೇರಿತಾನೆ ಗಣಕಯಂತ್ರ ಭಾಷೆ.
ನಾನು ನಾನೆ, ನೀನು ನೀನೆ
ನನ್ನ ನಿನ್ನ ನಡುವೆ ಏಕೆ ಜಗಳ?
- ಚೇತನ್ ಬಿ ಸಿ
06 Jan 2017, 07:37 pm
Download App from Playstore: