ಮಾರಣ
ಓ ಮರಣವೇ
ನೀನೆಷ್ಟು ಕ್ರೂರಿ?
ಜೀವಿಗಳಿಗಿಲ್ಲ ನಿನ್ನ ಕರುಣೆ
ನೀನೆಂಥ ಮಾರಿ?
ನಿನ್ನಿಂದ ತಪ್ಪಿಲ್ಲ ಯಾರಿಗೂ ಬವಣೆ
ನಿನಗೇಕಿಷ್ಟು ಹಸಿವು ?
ಸಾಲುತ್ತಿಲ್ಲವೇ ನಿನಗೆ ಜೀವಿಗಳಾ ಗಣಿ
ಸದಾ ನಿನಗೇಕೆ ಗೆಲುವು ?
ನಾವಲ್ಲವೇ ನಿನ್ನ ಲಾವಣಿ
ನಿನಗೇಕಿಷ್ಟು ಒಲವು ?
ಅಲ್ಪಪ್ರಾಣ ಮಹಾಪ್ರಾಣಗಳೆಲ್ಲ ನಿನ್ನುಸಿರು
ನೀನಲ್ಲವೆ ಮಸಣದಾ ಹೂವು
ಕೇಳಿದರೆ ಭಯ ನಿನ್ನ್ಹೆಸರು
ನಿನಗೇಕಿಷ್ಟು ತವಕ ?
ಸ್ವರ್ಗಕ್ಕೆ ಕರೆಯುವ ಹಂಬಲ
ಬಿಡಿಸುವೆ ಭವ ಬಂಧನವ
ಪ್ರಾಣಸಂಕಟದಿ ಆಡಂಬೊಲ
ನಿನಗೇಕಿಷ್ಟು ಅವಸರ ?
ಅರಿಯದೆ ಬರುವೆ ನೀ ಬಾಳ ಕಾತರ
ಅರ್ಥವಾಗದೇಕೆ ಜೀವನ ಸಾರ?
ಪ್ರೀತಿ ಮಧುರ ತ್ಯಾಗ ಅಮರ !
- ಚಂದ್ರಶೇಖರ ಹೆಗಡೆ
09 Jan 2017, 12:44 am
Download App from Playstore: