ಸ್ವಾಗತ ನಲ್ಲನೇ ಸ್ವಾಗತವು
ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!
ಮೆಲ್ಲನೆ ಬಂದಿಹ ಈ ಇರುಳು
ನನ್ನನು ಕಾಡಿವೆ ಬಯಕೆಗಳು!!
ನಿಲ್ಲದೇ ಓಡುತ ಕನಸುಗಳು
ಹೊಸ ಹೊಸ ಭಾವನೆ ಮನಸಿನೊಳು!!
ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!
ಕತ್ತಲ ಕರಗಿಸುವ ಹಗಲು
ಎತ್ತಲೋ ಹೋಯಿತು ನಿಮಿಷದೊಳು!!
ಬೆನ್ನನು ಬಿಡದಿರೋ ಆಸೆಗಳು
ನನ್ನನು ಕಾಡಿವೆ ಹಗಲಿರುಳು!!
ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!
ಸುಮ್ಮನೇ ಕುಳಿತರೂ ಮಾತುಗಳು
ಪಿಸುಗುಡುತ್ತಿವೆ ನನ್ನ ಭಾವದೊಳು!!
ಸ್ವಾಗತ ಕೋರುತ ನಾ ಕಾದಿರುವೆ
ಜೀವದ ಭಾವವೇ ನೀ ಬರಲು!!
ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!
- ಪಿ.ಜಿ.ಜ್ಯೋತಿ
09 Jan 2017, 01:23 pm
Download App from Playstore: