ದಾರಿ ಬೇರೆ ಬೇರೆ....
ಓ ನನ್ನ ನಲ್ಲೆ ಪ್ರಯಾಣಿಸುತಿರುವೆನು
ದೂರದೂರಿಗೆ ಹೊರಟಿರುವೆನು
ನೆನೆಯುತ ನಿನ್ನನು ಮನದಲಿ
ಮಾತನಾಡುತಿರುವೆನು ಮೌನದಲಿ
ಸುಮ್ಮನೆ ಕುಳಿತಿರಲು
ಕಿಟಕಿಯ ಹೊರ
ಪ್ರಪಂಚವನ್ನು ದಿಟ್ಟಿಸುತ್ತಾ....
ಕ್ಷಣದಲ್ಲಿ ಬದಲಾಗುವ
ಪ್ರಕೃತಿಯ ಚಿತ್ರಗಳ ಸವಿಯುತ್ತಾ...
ಎಲ್ಲವನ್ನು ಅನುಭವಿಸುತ
ಮುನ್ನಡೆದಿದೆ ಬದುಕಿನ ಪಯಣ
ಒಂದು ನಿಲ್ದಾಣದಿಂದ ಮತ್ತೊಂದಕ್ಕೆ
ನಿಲ್ಲದೇ ನಡೆದಿದೆ ಬಸ್ಸಿನ ಪಯಣ
ನೀ ಜೊತೆಗಿದ್ದರೆ ಸಮಯವೇ ಸಾಲದು
ಭಾವನೆ ಬದಲಾಯಿಸೋ
ನೋಟವು ನಿನ್ನದು
ಪ್ರೀತಿಯ ಅರಿವಾಗಿದೆ
ನಿನ್ನ ನೆನದು ನನಗಿಂದು
ಕಣ್ಣಮುಚ್ಚಿ ಕುಳಿತರು
ನನ್ನ ಕಾಡುವೆ ಏಕೆ ನೀ ಬಂದು
ಪದಗಳೆ ಸಿಗದು ಕವನವ ಬರೆಯಲು
ಮನಸಿಗೆ ಆಗದು ನಿನ್ನಯ ಮರೆಯಲು
ನೀ ನಿಲ್ಲದ ಆ ಕ್ಷಣ ನಾನಿಲ್ಲ ನನ್ನಲಿ
ಕೊಲ್ಲುತಿರು ಹಾಗೆ ಸುಮ್ಮನೆ
ನನ್ನನು ನಿನ್ನಯ ಕಣ್ಣಲಿ
ನೀನು ನನ್ನ ಬಿಟ್ಟಿರಲಾರೆ
ನಾನು ನಿನ್ನ ಬಿಟ್ಟಿರಲಾರೆ
ಆದರೂ ನಮ್ಮ ದಾರಿ ಬೇರೆ ಬೇರೆ.
- Pb
10 Jan 2017, 10:24 am
Download App from Playstore: