ಬೆಟ್ಟದ ಗಿಡ
ಮನಸೆಂಬ ಪುಟ್ಟ ಗಿಡವು
ಪುಟ್ಟಿಹುದು ಬೆಟ್ಟದಲ್ಲಿ
ತಾವಿಲ್ಲ, ತನುವಿಲ್ಲ ಆಸರೆಗೆ
ತನ್ನವರೆಂಬುವರಿಲ್ಲ.
ಮನುಷ್ಯತ್ವ ಇಲ್ಲದ ಬಿಸಿಲಿಗೆ ಒಣಗಿ
ಕಳ್ಳ ಕೂಟದ ವಂಚನೆಗೆ ನಡುಗಿ
ಬಾಯಾರಿ ಬೆಂಡಾಗಿ ಬಳಲಿದರೂ
ಪ್ರೀತಿಯ ಹನಿ ನೀರಿಲ್ಲ.
ಜಿನುಗಿದಂತೆ ಆಗೊಮ್ಮೆ ಈಗೊಮ್ಮೆ
ಎಲ್ಲಿಂದಲೋ ಹನಿ ನೀರು
ಇದ್ದೀತು ಯಾರದೋ ಕಣ್ಣೀರು
ದೊಡ್ಡ ಮಳೆಗೆ ಕಾದ ಗಿಡಕೆ ಬೇಜಾರು.
ಸುಂದರ ಕಾರ್ಮೋಡಗಳು ಓಡಿವೆ ಎತ್ತಲೋ
ಕಾದಿಹನೇನೋ ಅವಕ್ಕೆ ಇನಿಯ
ಮುತ್ತಿಕ್ಕಲು...
ಕಾದಿರುವ ಗಿಡಕ್ಕಿಲ್ಲ ಮಳೆ ಹನಿಯ ಸ್ನಾನ
ಕಾಡಿಲ್ಲದಾ ಮೇಡಲ್ಲಿ ಒಂಟಿ ಗಿಡದ ಧ್ಯಾನ.
- ಶ್ರೀಗೋ.
13 Jan 2017, 05:36 pm
Download App from Playstore: