ಎತ್ತವ
ನಾನು ಬಯಸಿದ್ದೆ ಅವನು ನನ್ನ ಕೈ ಹಿಡಿದು ಪ್ರಪಂಚವ ನನಗೆ ಪರಿಚಯಿಸಬೇಕೆಂದು.
ನಾನು ಕನಸಕಂಡಿದ್ದೆ ಎಳವೆಯಲಿ ಅವನ ಹೆಗಲೇರಿ ನಾನು ಅವನೊಡನೆ ತಿರುಗಾಡಬೇಕೆಂದು.
ನಾನು ಆಷಿಸಿದ್ದೆ ಅವನು ಜೀವನದ ಸೋಲು ಗೆಲುವುಗಳ ಜೊತೆ ನಿಂತು ಜೀವನವ ಪರಿಚಯಿಸಬೇಕೆಂದು.
ನಾನು ಇಚ್ಚಿಸಿದ್ದೆ ಅವನೊಡಗೂಡಿ ಆಟವಾಡಿ ಅವನ ಪ್ರೀತಿಯ ಅನುಭವಿಸಬೇಕೆಂದು
ಆದರೆ
ಅವನಾಗಿದ್ದ ನೋವು, ದ್ವೇಷ, ಕೋಪ, ಅಸಹ್ಯಗಳ ಮೊದಲು ಪರಿಚಯಿಸಿದವ
ಅವನಾಗಿದ್ದ ನನ್ನಮ್ಮನ್ನನು ಕೊಲ್ಲುವೆನೆಂದು ಮುನ್ನುಗ್ಗುವ ರಾಕ್ಷಸ
ಅವನಾಗಿದ್ದ ನಾ ಅವನ ಮುಖವ ಕಾಣಲು ಕಾತರಿಸಿ ಕಾದರು ಕಾಣದ ಮರೀಚಿಕೆಯಂತೆ
ಅವನಾಗಿದ್ದ ನಾನು ಅವನ ಪ್ರೀತಿ ಮಮತೆಯ ಬಯಸಿ ದಶಕಗಳೇ ಕಾದರು ಕಾಣಲಾಗದ ಕುರುಡ
ಅವನಾಗಿದ್ದ ಅವನವರ ಜೀವನದ ಜೊತೆಯಲಿ ನಗಿಸಿ ನಗುತ ಹೆಜ್ಜೆ ಹಾಕಲಾಗದ ಕುಂಟ, ಮೂಕ
ಅವನಾಗಿದ್ದ ನಮ್ಮೆಲ್ಲ ಕನಸು ಮನಸಿನ ಭಾವ ಬದುಕಿಗೆ ಬೆಂಕಿ ಇಟ್ಟು ನೋಡಿ ಏನು ತಿಳಿಯದವಂತೆ ನಟಿಸುವ ನಟ
- ಶ್ರೀಕಾವ್ಯ
14 Jan 2017, 03:45 pm
Download App from Playstore: