ಈ ಸಮಯದಿ ನನ್ನ ಹೃದಯದಿ
ಈ ಸಮಯದಿ ನನ್ನ ಹೃದಯದಿ
ನಿನ್ನ ವಿಯೂಗವೇ ವಿಷಾದವು.
ಈ ಇರುಳಲಿ ನೋವಿನಾ ನೆರಳಲಿ
ನಿನ್ನ ನೆನಪೆ ಸಾವಿಗೆ ನೆಪವು.
ಈ ಕಣ್ಣಲಿ ಸುರಿವ ಕಂಬನಿಯಲಿ
ನಿನ್ನ ಅಂದವೇ ಹನಿಯ ಪ್ರತಿ ಕಣವು.
ಈ ಮನದಲಿ ಹೂಬನದಲಿ
ನಿನ್ನ ಅಗಲಿಕೆಯೇ ಬಳ್ಳಿಗಳ ಬಳಲಿಕೆಯು.
ಈ ಮಬ್ಬಲಿ ನನ್ನ ಕಣ್ಣಬಾನಲಿ
ಆವಿಯಾದ ಕಂಬನಿಯೇ ಕಾಣದ ಕಾದಂಬನಿಯು(ಮೋಡ).
ಈ ನಡುರಾತ್ರಿಯಲಿ ಸುಡು ಮೌನದಲಿ
ಕಡು ಕತ್ತಲೆಯೇ ಎದೆಯ ಆಳದಲೂ.
ಈ ಕವಲಿನಲಿ ಪ್ರೀತಿಯ ಅಮಲಿನಲಿ
ನಾನಾಯ್ದ ದಾರಿಯೇ ನನ್ನ ಪಾಲಿನ ಗೋರಿಯು.
ಈ ದುಃಖದಲಿ ನನ್ನ ಪಕ್ಕದಲಿ
ಮೂಡಿದ ನೆರಳೇ ನನ್ನ ನಿಜವೈರಿಯು.
ಈ ಯೋಚನೆಗಳ ಸುಳಿಯಲಿ ಯಾತನೆಯ ವಿರಹದಲಿ
ನಿನ್ನಾ ಕನಸುಗಳೇ ಕುದಿಯುತಿಹ ಕುಲುಮೆಯು.
ಈ ಪ್ರೀತಿಯ ಸೋಲಲಿ ಈ ರೀತಿಯ ಸಾವಲಿ
ನಿನ್ನ ಸಂತೋಷವೇ ನನ್ನ ಕೊನೆ ಅಭಿಲಾಷೆಯು.
-ಭಗ್ನ ಪ್ರೇಮಿ ಶಶಿ ಕಿರಣ
- ಅಕವಿ
15 Jan 2017, 12:39 pm
Download App from Playstore: