ಪ್ರೀತಿ ಪ್ರಣಯ
ಕಣ್ಣ ರೆಪ್ಪೆ ಮುಚ್ಚದೇನೇ
ಪುಟ್ಟದೊಂದು ಗೂಡಿನಲ್ಲಿ
ಜೋಡಿ ಹಕ್ಕಿಯಂತೆ ನಾವು
ಪ್ರಣಯ ಗೀತೆ ಹಾಡಿ ನಲಿವ!!
ಕತ್ತಲಿಗೆ ಬೇಲಿ ಹಾಕಿ
ಸುತ್ತಲೂ ದೀಪ ಹಚ್ಚಿ
ನಡುವೆ ಕುಳಿತು ನಿನ್ನ ಅಂದ
ನೋಡುತ್ತ ಮೈಯ ಮರೆವೆ!!
ಓಡುತ್ತಿರುವ ಜಿಂಕೆಯ
ಬೆನ್ನಟ್ಟ ಹೋಗಿ ಒಮ್ಮೆ
ಕಾಲಿಗೆ ಗೆಜ್ಜೆ ಕಟ್ಟಿ
ಸಂಬ್ರಮಿಸಿದಂತೆ ಈ ಪ್ರೀತಿ!!
ಬೊಗಸೆಯಲಿ ಮಂಜಿನ ಹನಿಯ
ಬಚ್ಚಿಟ್ಟು ತಂದು ಇನಿಯ
ಸಿಂಧೂರ ತಿಲಕವಾಗಿ
ನೀನಿಡು ಒಮ್ಮೆ ಸಾಕು!!
ಹೃದಯದಲಿ ನಿನ್ನಯ ಹೆಸರ
ಬರೆದಿಹುದು ನನ್ನಯ ಉಸಿರು
ಇರಬೇಕು ನೀನು ಎಂದೂ
ನನ್ನ ಜೊತೆಯಲಿ
ಪ್ರತಿ ಯುಗ ಯುಗದಲಿ!!
- ಪಿ.ಜಿ.ಜ್ಯೋತಿ
20 Jan 2017, 03:46 am
Download App from Playstore: