ಬಾಳಲಿ ಕಾದಿರುವೆ, ಸಾಗರ ತೀರದ
ವಿಶ್ವಾಸದ ಮರಳಲ್ಲಿ
ನಂಬಿಕೆಯ ಅಡಿಯಲ್ಲಿ
ಒಲವಿನ ಗುಬ್ಬಚ್ಚಿ ಗೂಡ ಕಟ್ಟಿ
ಬಾಳಲಿ ಕಾದಿರುವೆ, ಸಾಗರ ತೀರದಿ
ಕೊಚ್ಚಿಹೊಗುವ ಅಲೆಗಳ ಹೊರತು...
ಕೆದರಿ ರಾಶಿ ಮರಳು,
ತಟ್ಟಿ ತಟ್ಟಿ ಬೆಸೆದೆ ಭಾವಗಳ
ಒಲವ ಸೂರಲಿ ,ಬಿಸಿಲ ಬೇಗೆಯಲಿ
ಕೊಚ್ಚಿಹೊಗುವ ಅಲೆಗಳ ಹೊರತು...
ಎದೆಯ ಕನಸುಗಳ ಎಳೆಯಾಗಿ ಹೊಸೆದೆ
ಎಳೆ ಎಳೆಯಲ್ಲಿ ಪ್ರೀತಿಯ ಬೆಸೆದೆ
ಭಾವತರಂಗದಲಿ ತೇಲುತಾ ,
ಕೊಚ್ಚಿಹೊಗುವ ಅಲೆಗಳ ಹೊರತು...
ಹಗಲಲಿ ಹಾಡಿದೆ, ನಲಿದೆ
ದಣಿದೆ ,ಧಣಿಯಾದೆ
ಮನದ ಪದಕೆ ದನಿಯಾಗುತಾ
ಇರುಳಲಿ ಅರಳಿದೆ, ನರ್ತಿಸಿದೆ
ಚುಕ್ಕಿ ಚಂದ್ರಮರ ಕೂಡೆ
ಕನಸಿನ ಕೊಡೆ ಹಿರಿಯುತಾ
ಕೊಚ್ಚಿಹೊಗುವ ಅಲೆಗಳ ಹೊರತು...
ಎದೆಗೂಡಲ್ಲಿ ಬೆಚ್ಚನೆ ಭಾವಯಾನ
ನವಿರು ಸಂವೇದನೆಯ ಆಲಾಪನ
ಪುಟ್ಟ ಪುಟ್ಟ ಆಸೆಗಳ ಪೊಟ್ಟಣ
ನನ್ನೀ ಪ್ರೇಮ ಪಟ್ಟಣ
ಜೋಪಾನ ಮಾಡಬೇಕಿದೆ ಇದ ನಾ
ಕೊಚ್ಚಿಹೊಗುವ ಅಲೆಗಳ ಹೊರತು...
- Indushekar Chinivar
20 Jan 2017, 07:32 am
Download App from Playstore: